Tuesday, December 14

සැනසිල්ල..කෝ


ඩබල් රූල් පොතේ
රූල් දෙක අතරෙ
ආ යනු ලියන්න
වලි කාපු හැටි මතකයි

ඇලපිල්ල රූලෙන් 
පිට පැන්නාම
පැන්සල් කොටේ
කටේ රුවා ගෙන
අම්මා තුරුළට 
දුවාපු හැටි මතකයි 

කුස්සියේ කොනේ
මිටි බංකුවේ ඉන්දවා 
ඔළුව අත ගාල
සනසාපු හැටි

ඒත් අද, 
වැඩ ගොඩ වුනාම
බෝඩිමෙ තනි වුනාම
කෝ මට දුව යන්න
අම්මා බෝඩිමෙ 

සැනසෙන්න බලන
හිත් රවට්ටන 
හොලිවුඩ් බොලිවුඩ් 
කත්න්දර තුල
කෝ ඒ සැනසිල්ල





Monday, December 13

යාළු කම් වල අපුරුම විධි


මේ තියෙන්නෙ පැන්ඩට පැන්ඩගෙ යාළු යෙහළියො එක්ක චුට්ටක් දුක හිතුන වෙලාවක ලියල ඩ්‍රාෆ්ට් විදිහට තියල තිබ්බ එකක්...මකල දාන්නත් හදල මකල දාන්නෙ මොකටද කියල ඔන්නෙ ඔහෙ පබ්ලිශ් කලා.දැන් දකින කොට හිනා යනව.අපේ හිත් වල හැටි නේද.

මගෙන් උපදෙස් ගෙන
ඔහුගේ හතුරන් සමග
මිතුරු වූ පසු
පෙර මිතුරා වූ මම
අමතක වූ
අපූරුව


දැන් දකින කොට හිනා යනව.අපේ හිත් වල හැටි නේද.ඔහොම තමයි ජිවිතෙ හැටි නේද? ඉස්සර වගෙම තාමත් මෙයල මගෙ හොඳ යාලුවො.මොකො මම එයල එක්ක දිගටම හිටිය නේ.මගෙ හිතට දැනුන දෙ එහෙම ම තියාගෙන ටික දවසක් ඉවසිල හිටිය..එතකොට හිතුන එක එහෙම නෙවෙ මට හිතුන වැරදි කියල.හොඳ වෙලාවට කලබල වෙලා දුකට යාළුවො එක්ක තරහක් ඇති කරගත්තෙ නැ..එයාළට මගෙ දුක පෙන්නුවෙත් නැ .මොකො සමහර වෙලාවට අපේ හිත දුක් වෙලා කරදර වුනාට දවසක් දෙකක් ඉවසගෙන හිටියම තෙරෙනව ඒක එහෙම වෙන්න ඕනි කරණාවක් නෙවෙ කියල.මොකො දන්නවද අපි මතු පිටින් දකින විදිහ නෙවෙ ඇත්තටම සමහර දෙවල්.ඒක තෙරෙන්නෙ චුට්ටක් කල් ගියාම..ඒ හින්ද හොඳම දේ ඉවසන්න. ටික දවසක් ගියාම මට තෙරුනා මට එදා දැනුණ දේ වැරදි කියල.හොඳ වෙලාවට මම කලබල වෙලා දුකට යළුකම් අත ඇරියෙ නැ.

පැන්ඩ කවදාවත් කිසිම යළුවෙක් එක්ක තරහ වෙලා නැ.එවලෙට පුන්චි ප්‍රශ්නයක් වුනත් එක කතා කරල විසඳගෙන යාළුකම රැක ගන්නව..හුගක් අමාරු අය අශ්‍රයෙන් ඇත් කලත් කාත් එක්ක වත් තරහ වෙලා නැ.කා එක්ක හරි තරහ වුනොත් එක මගෙ හිතට වදයක්..ඒ මනුස්සය මුණට දකින කොට කතා නොකර යන්න මට බැ...ඒ හින්ද වැරද්ද එයාගෙ වුනත් මම සාමන්‍යයෙන් එයා සමාව ගන්න කං වගෙ දෙවල් හිත හිත ඉන්නෙ නැ...කතා කරල ඉවරයක් කර ගන්නව.

එතකොට හිතට හරි සැහැල්ලුයි.. මේක හරිම පුන්චි රටක් අනික මිනිස්සු වුන අපිට මේ ලොකෙ විවිධ මිනිස්සු අශ්‍රය කරන්නම වෙනව.අපි අපේ ජිවිතේ ටිකක් ෆෙලෙක්සිබල් වෙනව නම් මේක එච්චර වැඩක් නෙවෙ.හැමොම තමන් වගේ හිතන්නෙ පතන්නෙ නැනෙ..ඉතින් හැම වෙලම ඕක ඔලුවෙ තියා ගෙන ජීවත් වෙන්න ඕනි.එතකොට අපිට අනිත් අයව තෙරුන් ගන්න පුලුවන්.තව එක දෙයක් හැම වෙලේම ප්‍රශ්නයක් ඇති වුනාම තමන්ගෙ පැත්තෙන්ම හිත හිත ඉන්න එපා.එතකොට හරියට තෙරෙන්නෙ නැ.තමන් අනිත් කෙනාගෙ තැන හිටිය නම් කියල පොඩ්ඩක් හිතල බලන්නකො.ප්‍රශ්න දිහා ඔයාලට අමුතුම විදිහකින් පෙනෙයි..වෙනඳ නොදැක්ක අපුරු විසදුම් ඔයල දකී.

හැබැයි මේක අම්මල අක්කල ගැණු ළමය එක්ක එයාලගෙ ප්‍රශ්න ගැන කතා කරන කොට පරිස්සමින් කරන්න.ඊට පස්සෙ මොලෙ කල්පනා වෙන් ඒ විසදුම උපක්‍රමශිලිව කියන්න. නැත්තං අනිවාර්යෙන් අහගන්න පුලුවන් වාක්‍යයක් දැන් මං කියන්නම්. "මෙයාට ඉතින් අපිට වඩා ලොකු එයා නෙ"


නිකමට ඔහොම කරල බලන්න කො..තරහ කාරයෙක් නැති ජිවිතෙ හරිම සැහැල්ලුයි..අපුරුයි..නගරයක රටක ගමක සැනැසිල්ලෙ ඇවිදින්න පුලුවන්..මොකො බිම බලාගෙන ඇවිදින්න වෙන්නෙ නැ..ඉස්සරහට එන ඕනි කෙනෙක්ට කට ඇරල හිනා වෙලා කතා කරන්න පුලුවන්.

පැන්ඩට වයස 24 යි ආඩම්බරෙන් කියන්නෙ අද වෙනකං එයා මාත් එක්ක තරහයි නෙ කියන්න කෙනෙක් පැන්ඩට නැතිවෙන්න තරං පැන්ඩ වසනාවන්තයි.

Saturday, December 11

අපි අහිංසක ජීව්ත දෙකක් බේරා ගත්තෙමු..හැමොටම හුගාක් පින්

මතකද ගිය සතියේ පැන්ඩ දාපු මේ පොස්ට් එක. "උදා වෙන නව වර්ෂයේ යහපත් කටයුත්තකට දායක වෙන්න කැමති ද?"


ඔය කටයුත්ත මම කරන්න හිටියෙ ජනවාරි මාසෙ කිව්වනෙ..ඒත් මම පසුගිය සතියේ ඉදන්ම මේ දුර්ජන කටයුතු වෙන තැන් කීපයක් ගැනම ඇහ ගහ ගෙන හිටියෙ. හදිසියේම අපේ පැන්ඩි මට බ්‍රහස්පතින්දා ඇමතුමක් දුන්න.මොකද්ද දන්නව ද කිව්වෙ අනේ පැටි..හොව් හොව් සරල සිංහලෙන් ඒක සංස්කරණය කළාම මෙහෙමයි.. "බුද්ධික, බණ්ඩාරවෙල මස් කඩේට අයිතිකාරය මියගිය වැස්සියෙක් හා එම වැස්සිගෙ වසරක් වයසැති පැටියාත් එක්ක මරන්න ගෙන හල..පවූ අනේ අම්මයි දරුවයි දෙන්නම මස් කඩේ.." මේක අහපු ගමන් මගෙ හිත කිව්වෙ මේ අහින්සක සත්තු දෙන්න නම් කොහොම හරි බේර ගන්නවමයි කියල.." කීයක් ද කියල ඇහුවම ටිකක් හිතට බය හිතුනත් කොහොම හරි කරන්නම හිතුව.දවසක් ඇතුලත සියළු මුදල් සොයා ගන්නත් ඕනි නෙ.මොකද ඒ මිනිස්සු වැඩි දවසක් ඒ සත්තු තියා ගන්න කැමති නැ..කොටින්ම බ්‍රහස්පතින්ද, අපිට ඕනි සෙනසුරද ඇව්ත් ගෙනියනව කිව්වම සිකුරාදා දවසේ සත්තු දෙන්නට කැම හොයල එවන්නත් කියල කිව්ව.නමුත් ඒ කිව්ව මිල හුගාක් වැඩි හින්ද බොම අමාරුවෙන් ගාන 40 000 කට අඩු කරගත්ත.පැටව් වුනත් නාකි වුනත් කිරි දෙන අම්ම කෙනෙක් වුනත් වස්සෙක් වුනත් මිල කියන්නෙ මස් බරට..අනේ අපොයි වුනත් එක එහෙමයි..මේ වැඩ වලට මට යන්න වුනේ නැ විශ්ව විද්‍යාල වැඩ අස්සෙ..එත් පැන්ඩිගෙ මස්සිනා ඒ කියන්නෙ අපේ ලක්ෂමන් අයිය හුගාක් උදව් කළ නිසා වැඩෙ කෙරුණා.


පැන්ඩ්ත් එක පයින් සබ්බ සකලමනාවම හරි විකුණල වැඩේ කරන්න කැමතියි..මාත් බැංකුවට ගිහින් එදා ඉඳන් ගෙදරට හොරෙන් මම ආස ගැජමැටික්ස් ගන්න පවත්වා ගෙන ගිය මගේ පුන්චි ගිණුමයි අනිත් ගෙදරින් සල්ලි දීල පවත්වාගෙන යන එකයි හිස් කලා....ඒත් ඒ වගෙ ලොකු මුදලක් තනි කර මගෙන් සහ පැන්ඩිගෙන් වැය වීම තාමත් ඉගෙන ගන්න මට  සහ රැකියාවට ගිය අලුත ඉන්න පැන්ඩිට බරපතළ කාරණාවක්..ඒ වගේම පැන්ඩි ල ගෙ අම්ම දැන් ඉතින් මගෙත් අම්ම තමයි කලින් කිව්වෙ ඔය වගෙ වැඩ වලට දායක වෙන්න කැමති අය ඉන්නව...එයාල කැමැත්තෙන් දෙන ආධාරයක් භාර ගත්තට කමක් නැ මොකො කාටවත් තනියෙන්ම මුදල් යොදවල ඔහොම දෙයක් කරන්න බැරි නිසා අනිත් අයටත් එහෙම හොඳ කටයුත්තකට දායක වෙන්න අවස්ථාවක් ලබා දෙන එක කොච්චර හොඳ ද කියල.


දැන් දැක ගන්න කැමතිද මේ අපි හැමොම එකතු වේල බේර ගත්තු දෙන්න..ඔය ඉන්නෙ පහළ චෝයි එකට..





ඔය සුදු බොලෙ වගේ ඉන්නෙ වසරක් වයසැති වැස්සි පැටියා..ඊට එහා පැත්තෙන් දුඹුරු පාට ට ඉන්නෙ එයාගෙ අම්ම..එයාටත් තාම වයස අවු 8ක් විතර කියල තමයි කිව්වෙ...

ඒ දෙන්නගෙම අයිතිකාරය මිය ගිහින් පස්සෙ මස් කඩේට දීල ඉතින් අපි ඔක්කොම එකතු වෙලා බේර ගත්ත.මේ තියෙන්නෙ කුවින්තාසිය.

 ඔය කුවින්තාසියේ නම තියෙන W.D මහින්ද රංජිත් තමා මේ දෙන්න ගෙ නව භාරකරු..මේ පහල පොටො එකෙ ඉන්නෙ ඒ අයිය තමයි.



මේ අභය දාන පිංකම කරල මේ දෙන්න භාර දෙන කටයුත්ත අපි කලේ බණ්ඩාරවෙල ශ්‍රී පුශ්පාරාම විහාරයෙ දි ගරු ඉන්ද්‍රනන්ද ස්වාමීන්වහන්සේ අපි ඔක්කොම කරපු යහපත් කටයුත්ත වෙනුවෙන් සිදු කළ පුණ්‍යනුමොධනාවෙන් අනතුරුව තමයි.


උදෙන්ම මේ දෙන්න මස් කඩෙන් නිදහස් කරගෙන ගෙනහල පන්සල් වත්තෙ ටිකක් බැඳල ඉඳල ඊට පස්සෙ හමුදුරුවො ඉදිරිපිට දි නව භාරකරු සත්තු දෙන්න පරිස්සමට රැක බලා ගන්න පොරොන්දුත් වුනා ට පස්සෙ ඒ දෙන්න අපි එයාලගෙ අළුත් නවාතැනට රැගෙන ගියා.



 පේනවද පුන්චි පැටිය කොච්චර සංතොෂෙන් තමන්ගෙ අම්මගෙන් නිදහසේ කිරි උරා බොන හැටි..

මම ගිය සතියෙ බ්ලොග් එකෙන් සම්බන්ධ වෙන්න කැමති කියපු වැඩෙ කරන කොට දැනුවත් කරන්න කියපු මම හැබැහින් දැකල නැති ඒත් මේ බ්ලොග් අවකාශෙන්ම අදුර ගත්තු අයට මේල් එකක් දැම්ම..

ඒ මේල් එක දැකපු දිනේශ් කුමාර අයිය (අර අකෙලෙ හම් බ්ලොග් එක කරන්නෙ) සහ රකිත කරුණාරත්න අයියයි එයාගෙ සහකාරිය වෙන්න ඉන්නෙ අක්කයි මට පහුවෙනිදම බැංකු වලට මුදල් දැම්ම.දිනේෂ් සහ රකිත අයියේ මම ඔයාලට එවපු මේල් එකේ ගුගල් ඩොක්ස් ලින්ක් එකෙ ඒ දායකත්වය හරියට සටහන් වෙලා නේද?

හරි ඉතින් තව මේකට දායක වුන හුගාක් අය ඉන්නව..පැන්ඩගෙ යාළුවො..එතකොට පැන්ඩිගෙ යාළුවො..පැන්ඩගෙයි පැන්ඩිගෙයි අම්මල තාත්තල පවුලෙ අය නැදැයො මේ හැමොටම හුගාක් පින්..මේක පැන්ඩගෙ වත් පැන්ඩි ගෙ වත් වැඩක් නෙවෙ.මෙක ඇවිල්ල අහින්සක සත්තු දෙන්නෙක් ගෙ ජීවිත බේර ගැනීමක් එකට අපි දෙන්න කටයුතු සකස් කළත් ඔයාල හැමොම දායක වුන නිසයි මේක මෙහෙම කර ගත්තෙ.ඒ හින්ද ඒ හැමොටම මේ පින් අනුමොදන් වෙනව.


අන්තිමට අපි හැමොගෙම හිත් වලට පුදුම සැහැල්ලුවක් දැනෙනව නේද...කොයි වෙලෙ හරි හිතට දුකක් කරදරයක් දැනුනම මේ ඉන්න අහින්සක සත්තු දෙන්න දිහා බලන්න...ඒ දෙන්න අද සතුටින් ජීවත් වෙන්න අපි නිසා..ඒ යහපත් සිතුවිල්ල අපේ ජීව්ත වලට ආශිර්වාදයක් වෙයි..

හැමොටම තෙරුවන් සරණයි...




Saturday, December 4

උදා වෙන නව වර්ෂයේ යහපත් කටයුත්තකට දායක වෙන්න කැමති ද?


2011 වර්ෂය උදා වෙනව..උදා වෙන නව වර්ෂයේ ආරම්භයේදීම හොඳ කටයුත්තකට දායක වෙන්න කැමති හැමෝම වෙත මම පුන්චි ආරධනාවක් කරනව..මම යි පැන්ඩි යි උදා වෙන ජනවාරි මාසයේ මරණයට කැප වුනු ගවයෙක් නිදහස් කරන්න බලාපොරොත්තු වෙනව.
පැන්ඩ පුන්චි කාලෙ ඉඳන්ම ඒ කියන්නෙ කන්නෙ මරාපු සතෙක් කියල දැන ගත්තු දවසේ ඉඳන් කිසිම මස් මාංශයක් අනුභව කරන්නෙ නැ.මගෙ ආහාර වේල වෙනුවෙන් කිසිම සතෙක් ජීවිතය පුදා කරන්න ඕනි කියල මම විශ්වාස කරන්නෙ නැ..


ඒත් කවුරුහරි වෙනුවෙන් කාගෙ හරි ආහාරය වීම උදෙසා මේ අහිංසක සත්තුන්ට තමන්ගෙ ජීවිතය දන් දෙන්න වෙලා තියෙනව.


ඉතින් අපිට පුලුවන් නම් මේ එක අහිංසක සතෙක් හරි මරණෙයන් බේරා ගන්න එක සතෙක් ගෙ හරි මරණ භය දුරු කරන්න ඒක හුගාක් උසස් දෙයක් නේද..ඔබ පව් පින් ගැන විශ්වාස කරන අයෙකු වුවද නොවුවද යහපත් අයහපත් දේ නිබඳවම හදුනා ගැනීමෙ බුද්ධිය ඔබ සතු නිසාවෙන් හොදයි කියල හිතෙනව නම් කාට වුනත් සුලුවෙන් වුනත් මේකට දායක වෙන්න පුලුවන්..ඔබේ දායකත්වයේ ප්‍රමාණය නොව දායකත්වය ඉතා අගය කොට සළකමි..


ඉතින් ඔයාල කවුරුහරි මේකට දායක වෙන්න කැමති නම් පැන්ඩි ට හරි මට හරි කතා කරල කියන්න කො.ඒ වගේම මේ ලබා ගන්න ගවයට(බොහො විට මෙ කිරි ගවයෙකු විය හැක) ආයෙත් එවැනි ඉරණමක් අත් නොවන සේ නිසි භාරකාරයෙකුට ලබා දීමට ද අපි කටයුතු කරමු.


ස්තූතියි..


පහත ෆොර්මයෙන් කැමති අය විස්තර ලබා දෙන්න කො.






කලාවෙ නාමයෙන් අධො මුඛය දකින දෑ ලොවට පෙන්වන මිනිසා...

පැන්ඩ ගෙ ඇඟ හිරි වැටෙන දෙයක් පැන්ඩ දුටුව අන්තර්ජාලයේ..




මේ මොකක්ද මේ....මේ තමා මහාචාර්ය වෆා බිලාල් තම හිස පිටුපස සැත්කමක් සිදු කර සවි කරවා ගත් කැමරාව...මේක සවි කරල තියෙන්නෙ කොහොමද දන්නව ද? ටැටූ ගහන අයිය කෙනෙක් ඔලුවෙ සම ඇතුලට පුන්චි සැත්කමක් කරල ටයිටෙනියම් තඩුවක් දාල.දැන් ඊට පස්සෙ කැමරාව එකට පිටතින් සවි වෙනව කාන්දම් බලෙන්..


දැන් මොකො දන්නව ද මෙක පටියක් දාල ලේසියට ඔළුවෙ හයි නොකලෙ.මේක ඇවිල්ල 3rdi (third eye) කියල ප්‍රොජෙක්ට් එකක්.මෙකෙ අරමුණ තමා හැම මිනිත්තුවකම ඔහුගේ පිටු පස තියෙන දර්ශන අවුරුද්දක් පුරාවට ගන්න එක..මේ ජයාරූප ක්ටාර් වල තියෙන modern art කෞතුකාගරය ට ප්‍රදර්ශනය ට යවනව. මේක වතුර යන්නෙ නැති කැමරාවක්..ඉතින් ඔහු නාන කොට ඇවිදින කොට පමණක් නොව රමණයේ දී පවා ඔහුගේ මෙම කැමරාව දර්ශන ලබා දීම තමා අරමුණ...

මහාචාර්ය තුමා කියන්නෙ එයා දැනුවත්ව එයා තීරණය කරල පොටො ගැනීමෙ සංකල්පෙන් එයාට මිදෙන්න ඕනි වුනා කියල තමයි..


ඔන්න ඔහොම තමයි ලොකෙ වටේ ඉන්න මිනිස්සුන්ට හිතෙන අරුම පුදුම කාලාත්මක අපේ ඇඟ හිරි වට්ටන වැඩ..

තොරතුරු අන්තර්ජාලය ඇසුරිනි..


Monday, November 29

පිංගුත්තර නම් සමාජය විසින් පහත් කරන ලද තවත් එළ කොල්ලෙකි..

මුලින්ම සීන් එක මෙහෙමයි...අද පැන්ඩට බඩේ අමාරුව..ලෙක්චර්ස් ගියෙත් නැ...බඩේ කැක්කුමට දෙහි එක්ක ඇම්.ලිවේරිස් වෙද මහත්තයගෙ ක්‍රීම් රාජ ගුලියක් ගහල ඉන්න කොට තමයි මේව ඔලුවට ආවෙ.ඔය අපේ කැලණිතිස්ස අයිය (කැළණිතිස්සගේ අන්තර්ජාල සන්දේශය) නම් ඒවට කියන්නෙ කි* රාජ ගුලි කියල..ඕකෙ ස්මෙල් එක එකේ වගෙ ලු...අපි නම් දන්නෙ නැ ඕව..

තව එකක් මගෙ විස්ස විද්දාලෙ සගයෙක් හොද බ්ලොග් එකක් කරනව අලුතෙන්..පැන්ඩගෙ හිතවතා..පරිඝනක ක්ශෙත්‍රයෙ ඇත්තන්ට වැදගත් වෙයි...කේෂාන්ගේ අන්තර්ජාල අවකාශය

දැන් කතාව ඊ මෙල් වලට ඇවිත් තිබුනා අපූරු මේල් එකක්..දැන් ඕක මට මේකෙ ටයිප් කරන්න බැ..එ හින්ද මෙන්න පින්තුර තුනම මෙකෙ දාන්නම්..ඕක කිල්ක් කරල කියවල බලන්න කො.



පැන්ඩ ට ඔය ගීයෙ ප්‍රෙමයෙ පරිත්‍යාග ගැන හරිම අපුරු සංවේදී හැගීම ගොඩාක් පහළ වුනා...කොච්චරද කිව්වොත් ආයෙත් මම සිංදුව අහගෙන කියවල බැලුව..කොච්චර නම් හොද අපූරු ප්‍රෙමවන්තයෙක් ද ? කාට හරි ඇත්තටම තෙරෙනව ද ඒ හිතෙ කොච්චර ආදරයක් තියෙන්න ඇතිද ඒ කෙල්ල ට..හුගක් අය ආදරෙ කරද්දි ඉන්නෙ මම කියන සංකල්පයෙන් ම විතරයි..මට ආදරෙ මගේ ආදරෙ මගෙ සතුට මම ගැන හොයල බලන එක...ඒත් මෙ තරුණයා මම කියන සංකල්පෙන් මිදිල ඇය ඇයගෙ යහපත ඇයගෙ සතුට ඇයගෙ නිදහස කියන දේ ගැන හිතනව...දන්න අය දන්නව ඒක කොච්චර ලොකු කැපකිරීමක් ද කියල..එ වගෙ කැපකිරීම් කරන්න පුලුවන් බොහොම උසස් මනසක් තියෙන ආදරවන්තයින් ට විතරයි...අද කාලෙ හුගක් අය ආදරෙ දි හිතන්නෙ තමන්ගෙ කෙල්ල තමන්ට හිමි භාණ්ඩයක් කියල..කෙල්ල තමන්ට ආදරෙ කියන්නෙ තමන්ගෙ හැම ඕනි එපා කමක් ම ඇය අතින් ඉටු වීම කියල..ඕව ගැන නම් කතා එමටයි..





දැන් පිංගුත්තර කතාව..ඔයාලට පිංගුත්තර කිව්වම ඔලුවට එන්නෙ කොහොම මනො ච්ත්‍රයක් ද? බොහොම නියාලු නිවට කෙල්ලෙක් ගෙ පහසක් නොලබන කෙනෙක් කියල නේ ද?
ඒත් දන්නව ද හරි නම් ඔය ඇත්ත පිංගුත්තර කියන්නෙ හොද කෙලින් කතා කරන තමන් ට අවශ්‍ය දේ හරියට තොරල බේරල ගන්න පුලුවන් කමක් තියෙන ගැනු ළමයෙක් ගේ ගෞරවය ගෞරවාන්විත විදිහට රැකපු තරුණයෙක්.

ඇත්තටම පිංගුත්තර ගැන මෙහෙම නරක හිතුවිල්ලක් ඇති වෙන්න එක හේතුවක් තමා මේ පිංගුත්තර ජාතක පොතේ අදුන්නල දෙන විදිහ.."ඔහු නමින් පිංගුත්තර වුවද පින් නැත්තෙක. කාලකණ්ණිය.

දැන් පැන්ඩ මොකො ජාතක පොතට විරුද්ධ වෙලා පිංගුත්තර පොර කරන්න හදන්නෙ.ජාතක පොත වෙබ් අඩවියෙන් මම මේක කියවද්දි මට මේක දිහා මෙහෙම පැත්තකින් තමා හිතුනෙ..ඕව් පැන්ඩො ජාතක පොත එහෙම කියවනව.ප්‍රශ්නයක් නැනෙ එකෙ.

කෙටියෙන් කතාව කියන්නම් කො.දැන් ඔය පිංගුත්තර කියන තරුණයට ගැනු ලමයි ගැන වැඩි ඇල්මක් නැලු..මිනිහට ඕනි ජීවිතෙ තමන්ගේ පාඩුවෙ ගෙවන්න ලු.ඒත් කොකටත් ඉගෙන ගන්න එක හොදයි නේ කියල මිනිහ දිසාපාමොක් ගෙන් ඉගෙන ගත්තලු..නැ නැ රොටරි එකෙ සක්ය එකෙ නෙවෙ..දිසාපමොක් ගෙ ගෙදර..ඉතින් ඒ කාලෙ තිබුන නෙවැ සිරිතක් හොද ශිෂ්‍යන්ට තමන්ගෙ දුව පටලව ල දීල ෂෙප් වෙන සීන් එකක්..දැන් තිබ්බ නම් කොහොමට තියෙ ද? දැන් ඔන්න පිංගුත්තර ට ත් ඔය හෙණෙම කඩා පාත් වුනා ලු.මොනා කරන්නද ඉගෙන ගත්ත ගුරු ගෙ වචනෙට පිටු පාන්නත් බැ එත් පොරට කෙල්ල දිර වන්නෙත් නැ.ඔන්න ඉතින් එදා රෑලු වැඩෙ.පිංගුත්තර ඇදෙ ඉන්න කොට කෙල්ල ඇදට එනවලු..පිංගුත්තර බිමට යනවලු..කෙල්ල බිමට එනකොට පින්ගු ඇදට යනවලු..ඔහොම ටිකක් වෙලා ගිහින් වැඩෙ නැවැතුව ලු කෙල්ල..(නැ නැ මුකුත් වුනේ නැ ගැනු ලමය තාම ගැනු ලමයෙක්) පින්ගු බිම නිදා ගත්ත.කෙල්ල ඇදෙ නිදා ගත්ත.මේ මේව පැන්ඩ ආතල් දෙන්න අතින් දාල කියනව නෙවෙ ජාතක පොතේ තියෙන්නෙත් මෙහෙමයි..එකම දේ මම කියන්නෙ සරල සිංහලෙන්..එච්චරයි.බොරු නම් බලන්න කො 294 වෙනි ජාතක කතාව

පහුවෙනිද ඉතින් පින්ගු ඔය ලමය එක්ක ගමට යන්න පිටත් වුනා ලු.දැන් පින්ගු කල්පනා කලාලු මේ ලමය ගෙන් ගැල වෙන්නෙ කොහොමද කියල. ලමය අතරම් කරල යන්නත් බැ..හැබැයි පින්ගු දන්නව මම මුකුත් කලෙත් නැති නිසා කෙල්ලගෙ ගෞරවයෙ රැකපු නිසා ලමයත් හැඩ හින්ද කවුරුහරි කෙනෙක් ලමය ගෙනි යන බව.ඉතින් පින්ගු කරපු වැඩෙ කෙල්ල පැලැනක් ගහල ගහකට නැග්ගුවලු..ඊට පස්සෙ ගහ වටේට කටු අතු දැම්මලු..දැන් කෙල්ලට ආරක්ෂාවයි..කෙල්ල දැන් බැහැ ගන්න බැරි නිසා ගහේ ඉන්නව ලු පින්ගු ගියාලු..රජ්ජුරුවො යනකොට ගහෙ හිටපු සුරූපි කෙල්ල දැකල හිතක් පහල වෙලා ඇන්න ගියා ලු. ඔහොම ගිහින් කෙල්ල සැපෙන් බිසව වෙලා උන්නලු. 

ඕකෙ තව ටිකක් තියෙ..මොකො බොසත් සම්බන්ධ වෙන්නෙ ඉදිරියෙ දි..එත්කොට නෙ ඕක ජාතක පොතට approve වෙන්නෙ.කොහොම හරි ඔය කතාවෙ අන්තිමට ජාතක පොතේ රචකයාට අමතක වුනා කියන්න පින්ගු ගෙ යහපත් හැසිරිම නිසා තමයි මේ කෙල්ලට එහෙම හොඳ කලක් උදා වුනෙ කියල.ජාතක පොතේ හිතුවෙත් අනේ මොඩය කෙල්ල අත ඇරිය කියල නෙ..මට හරිම කෙන්තියි එවලෙදි නම් ජාතක පොතේ පටු අදහස ගැන..
පින්ගු ඒ ලමය තමන්ට එපා වුනත් එදා රැ අර නොකරපු කටයුත්තත් කරල කෙල්ල එපා හින්ද මාරු වුනා නං ද පින්ගු පොරක් වෙන්නෙ...පින්ගු ඒ ලමයට අකමැති හින්ද ඒ ලමයගෙ ගරුත්වය රැකෙන විදිහට හැසිරුන හින්ද නෙවෙ ද රජතුමා කෙල්ල ඇරගෙන ගියේ...

මොකො රජ්ජුරුවො හොයන්නෙත් වර්ජින්ස් ල නෙ..සමහර විට රජාගෙ වර්ජිනිටි එක නැති වුනෙ 9 වසරෙදි විතර වෙන්න ඇති ඒත් තමන්ට ගේන බිසව වර්ජින් වෙන්න ඕනි..අදත් බොහොමයක් උදවිය ඔහොම තමයි තමන් වැරදි කරල කසාඳ බදින්න ගියාම සුදු රෙදි හොයනව..හැබැයි තමන් ට ත් යටින් සුදු රෙද්දක් එලුවම ඒකෙ ඉරුනු හෘද සාක්ෂියේ ලේ තැවරෙන්නෙ නැත්තං තමන් කුමර බඹසර රැක්ක නම් ඒ විදියෙම කෙල්ලෙක් හොයන්න එයාට සාධාරණ අයිතියක් තියෙනව.

දැන් කොහොම හරි පින්ගු ගේ හැසීරිම උසස් මානුෂික ලක්ෂණයක් නෙවෙ ද? තව එකක් පින්ගු ට තිබුන න නෙ එහෙනං තමන් ආදරෙ නැතත් තමන්ට පවරල දුන්න කෙල්ල නෙ කියල ගෙනිහින් තමන් ට දාසියක් කරගෙන තමන්ගෙ ඕනි එපා කම් ටික ඉටුකර ගන්න.මොකො ඒ කාලෙ ස්ත්‍රී අයිතිවාසිකම් වෙනුවෙන් හඬ නගන සංවිධාන තිබ්බෙත් නැනෙ.අර කෙල්ලත් දික්කසාද නඩු දාන්න ද..දිසාපාමොක් ගෙ ගෞරවය ගැන හිතල තමන්ට ආදරෙ නැති සැමියෙක්ට දාසියෙක් වෙලා ඉන්න නෙ වෙන්නෙ..අද කාලෙ නම් එහෙම ඒව වෙනව..ඒත් පින්ගු එහෙම කෙනෙක් නෙවෙ,පින්ගු හිතුවෙ ඒ ලමයට කැමති කෙනෙක් ට ඒ ලමය ලැබෙන්න වැඩ කරන්න.එහෙම කරපු පිංගුත්තර නේ මේ සමාජය බලු කලේ..

කොහොම හරි බඩේ අමාරුවත් අමතක වුනා මේව ලියන්න ගිහින්..වැඩ අධික හින්ද මුකුත් ලියන්න බැරි වුනාට හැමොම ලියපුව කියෙව්ව..


ප.ලි
සිංදුව ඕනි අයට ලින්ක් එක. http://www.filestube.com/909a59d82cf1e67303ea,g/Hanthanata-Payana-Sanda.html

Thursday, November 25

පොත් වලින් විවර නොකළ ලෝකය...

හෙණ ගගහ වහිනව ලු
මල් වැහි වැටෙනව ලු
ඉර පායනව ලු
ඉර බැහල හඳ පායනව ලු
ඒත් මම නෑ නොවැ දැක්කෙ
පොත් ගොඩ අස්සෙ
තිබ්බෙ නැ නොවැ කවුළු
දකින්නට සුන්දර දසුන්



Saturday, November 20

මම අමුතුයි ද?


හඳ ට පෙම් කළෙමි
නොසිතාම තවත්
ග්‍රහ වස්තුවක් ලෙස
පෝය ළගැයි කියන
අඩන කොට සනසපු
හඳ මාමා ලෙසම

ටැංකියේ ඉන්න 
ගෝල්ඩ් ෆිෂ් ට නොව
පහළ ඇලෙ උන්නු
තිත්තයට ආදරෙ කළෙමි

බණ පදයක් ඇසුයෙමි 
බණ පදයක් විමසුවෙමි
පන්සල ට ප්‍රිය කළෙමි
තෙරුණ් ඇසුර ලද්දෙමි

රුවට වඩා පුතුට පෙම් කළ
මවකගෙන් කිරි බී වැඩුනෙමි

මිත්‍ර ඇසුරට, රහ මෙරට නොව
පුතුට පෙම් කළ පියෙකුගෙ
ඇසුර රැකවරණය ලැබුවෙමි.

නයිට් ක්ලබ් එකට් නොව
සඳ එළිය වැටුන කාමරෙ 
පොතක් කියවමින්
රැය ගෙවන්නට 
ප්‍රිය කළෙමි

මගේ ජිවිතේ අමුතුලු
කිසි ගතියක් නැලු
මොලො රහක් දැනෙන්නැලු
කෙනෙක් පවසයි

අමුතු වුනත් මට මොකො
මගෙ ගතිය මම දනිම්
ලොව නොදකින රහ මම විඳිමි
මට රිසි සේ ගෙවමි.


above photograph is from http://www.flickr.com/photos/yamuni/3406509606/ by Yamuni Rashmika



 

Tuesday, November 16

කෙනෙකුගෙ සතුට සතුටින් ඉවසිය නොහැකි හිත්


මහළු බව පසෙක ලා
අම්තාබ් ප්‍රීතියෙන්
තම පුතු සමඟ 
සුරූපී ලේලිය හා එක්ව
අපූරුවට රඟනයුරු දුටු

බිරිඳගේ නිවසට වී
අසල් වැසියන්ගේ
ඇඳ හොයන
බිරිඳට කඩා පනින
සිතින් මහළු තරුණයා

"විකාර, වයසට කළ යුතු වැඩ දැයි"
කොපයෙන් මුමුණමින්
විසල් වූ දෙනෙතින්
මුව අයා බලා හිඳියි

 

Monday, November 15

බ්ලොග් ලියන පැන්ඩා අර්ධ ශතකය පසු කළ වගයි



පැන්ඩ අහම්බෙන් හරී අපූරු සිද්ධියක් දැක්ක නොවැ මගේම බ්ලොග් එකෙ...එක දැක්ක ගමන් පැන්ඩට ආව නිකන් හිනාවක් එක පාර උණ ගහක් වුනත් ඔබන්න පුලුවන් තරමට කටත් ඇරිල.

දන්නවද පැන්ඩ බ්ලොග් පොස්ට් 51 ක්ම ලියල නොවැ..හරි වැඩෙ තමා..දෙන්න ඕනි නේද මුව අල්ලගෙන බඩ පිරෙන්න..නරකද කට්ටිය මාව තද කොරල අල්ලගෙන එක්ක ගිහින් පිරෙව්ව නං බඩ ගෙඩිය...මැක්ඩොනල්ඩ් මාමා  ගෙ හරි කෙන්ටකි මාමා ගෙ බැදපු කුකුල් කඩෙ නං බැ ඕං.දන්නව නේද කස්ටිය පැන්ඩ කන්නෙ සතෙක් මරල කියල අවබෝධ වුන පොඩි අවධියේම මස් මාළු කෑම අත්හැරිය බව.කොටින්ම මූ නං පැන්ඩෙක් ම තමයි .ශාක භක්ශකයි එහෙම් පිටින්ම..ඒ හින්ද ඉතින් හොඳ වෙජිටෙරියන් සයිවර් කඩයක් තමයි.
මේ දවස් වල ශාන්ති විහාර් වහල නිසා අර විශාක එක කිට්ටුව ගාළු පාරෙ තියෙන සරස්වතී එකට වත් යමුද ?

කොහොමින් කොහොම හරි පැන්ඩගෙ සිතිවිලි වල page views ප්‍රමාණයත් දහ දාහ පැනල.මේවට මම මගෙ බ්ලොග් එකට එන වාර ගාණ ඇතුලත් නැ හොදේ,,අර cookie එකක් ඉන්ස්ටොල් කරල තියෙන්නෙ මාව කවුන්ට් නොවෙන විදිහට..

කොහොම හරි කාලයක් බ්ලොග් කියවල අන්තිමට මේ අවුරුද්දෙ වෙසක් දවසෙ පළවෙනි පොස්ට් එක දාල පටන් ගත්තු බ්ලොග් එක ආපු ගමන ගැන මට හරි සතුටුයි. දැන් මම මේකට ඇබ්බැහි වෙලා වගේ.හරියට මාස 6ක් ගෙවිලා. ඇත්ත ඔය පොස්ට් 51 එක අස්සෙ වැදගත් නොවැදගත් ඔය හැමදෙම ඇති.මම කියන්නෙ නැ මේ පොස්ට් ඔක්කොම පට්ට් සිරා ඒව කියල.ඒත් ඉතින් පුන්චි සතුටක් තියෙ.මම නිකමට බැලුව මේක නිකං අච්චාරුව වගෙ..හැම මගුලක් ගැනම ලියල..කවි,ආදරෙ,දේශපාලනයෙ ,විකාර, පෞද්ගලික අත්දැකීම්,ටෙක්නිකල් අනං මනං හැමදේම..එකෙත් අමුතු රහක් තියෙ.

දැන් කියන්නම් මෙ පොස්ට් එකෙ අරමුණ . මට මේක ලියන්න මගේ පැන්ඩි ගෙ ඉඳන් කතා කරපු උදව් කරපු අදහස් කියපු ගණන මෙපමණයි කියන්න බැ.ඒ හැමොටම පැන්ඩගෙ හදවතින්ම ස්තූති වෙනව.හුගාක් පින්.

මට ලැබුණ ලොකුම දේ තමා මේ බ්ලොග් අවකාශෙදි මට ලැබුණ යාළුවො රොත්ත..මට එකට නම් හරිම සතුටුයි..ඒ හැමොම මට දීපු මිත්‍රත්වයට හුගාක් ස්තූතියි.මගෙ බ්ලොග් එක ලොකෙට පෙන්නපු සින්ඩි වල ඇත්තන්ට ත් හුගාක් ස්තූතියි.

ඉතින් එහෙනං අපි හැමොටම ජය වේවා...නිදුක් නිරොගි සැපවත් සාරවත් ජීවිතයකට ඔය හැමොටම සුභ පතනව.


Sunday, November 14

පෙන් එකක් තියෙද ? එකෙන් උපරිම ප්‍රයොජන පහසුවෙන් ගන්නව ද?


අද කාලෙ ඉතින් බොල් පොයින්ට් පැනක් අතෙ තිබ්බෙ නැතත් හැමොම ගාව යු එස් බ් පෙන් තියෙනව නේද?

දැන් ඕක ගෙදර කම්පිතරෙ ගහල මොනා හරි පටො ගෙන ලොකෙ වටෙ ට බෙදල තියෙන එව උස්සගෙන ඇවිත් ආයෙත් කම්පිතරෙට ඔබනවට වඩා ඇරෙන්න වෙන කොච්චර වැඩ තියෙද ?

පැන්ඩ ට මෙ දවස් වල වැල් වටාරම් ගහ ල හැඩ කරල කතා ලියන්න විවෙකයක් නැ ආයිබෝං. සංගමෙ එකමුතුවටත් එන්න බැරි වෙයිද කියල හරි වෙදනාවෙන් ඉන්නෙ.. 

දැන් මෙහෙම නෙ කස්ටිය ඉන්නව කම්පිතර දෙකක් හාවිතා කරන..එකක් ගෙදර අනික රැකියා ස්ථානයේ හො අපෙ වගෙ නම් යුනි එකෙ ලැබ් එකෙ.දැන් ඉතින් එතකොට අපි ඔය තැන් දෙකෙදිම නිතර භාවිතා කරන ඩොකියුමන්ට් තියෙනෙ. මෙහෙම හිතන්නකො ප්‍රොජෙක්ට් එකක බරටම වැඩ දැන් අපිට ඔය ප්‍රොජෙක්ට් එකට එතකොට පෙන් එකෙයි ගෙදර කම්පීරෙයි ෆොල්ඩර් දෙකක් තියෙ.දැන් ඉතින් ගෙදරින් පිට කරන වැඩ පෙන් එකෙන් ගෙදර කම්පීතරෙට අප්ඩෙට් වෙන්නත් ඕනි ගෙදර දි කරපු වැඩ හෙට අයෙත් වැඩ කරන තැනදි continue කරගෙන යන්න පෙන් එකට යන්නත් ඕනි.කොටින්ම කිව්වොත් synchronization.

දැන් ඉතින් ඕක මැනුවල කරන කොට වෙන්නෙ මොකොද අන්තිමට රට පැටලිල ඔනි එව මැකිල නැති එව ඉතුරු වෙලා අමාරුවෙන් ලැබ් එකෙදි ලියපු ප්‍රොගැම් එක ගෙදර ගෙනහල පටලව ගෙන වෙන එකක් කම්පිතරෙට දාල එක මකල. නැත්තං රැ තිස්සෙ නිදි මරාගෙන ලියල ඒක නෙවෙ වෙන එකක් පෙන් එකෙ දාගෙන ආයතනයට ගෙනිහින්. ඔක්කොම ටැපලෙනව.

ඇයි ඉතින් ඔය වැඩෙ කරල දෙන්න පුන්චි මෘදුකාංගයකට භාර දෙන්නෙ නැත්තෙ. Sync Toy ,මෙතනින් ඩවුන්ලොඩ් කරගන්න. ෆ්‍රි හින්ද ක්‍රැක් කරන්න පවු කරන්න ඕනි නැ. 

සීන් එක මෙච්චරයි ඉන්ස්ටොල් කරගන්න.ඊට පස්සෙ මෙන්න මෙතනින් කම්පිතරෙ අදාල ෆොල්ඩර් එක පෙන් එකට ලින්ක් කරගන්න.
 දැන් ඔතන left එකට කම්පිතරෙ සින්ක්‍රොනයිස් කරන ෆොල්ඩර් එක හා right කියන තැනට එක පෙන් එකෙ වෙන්න ඕනි ෆොල්ඩර් එකයි දෙන්න.අලුත් ෆොල්ඩර් එකක් පෙන් එකෙ හදලම දෙන්න කො.

දැන් ඉතින් ඉදිරියට ඔයා පෙන් එකෙ මෙ ෆොල්ඩර් එකට මොනව කොහෙන් දැම්මත් තියෙන ෆයිල් එකක් වෙනස් කරත් ගෙදර ඇවිත් පෙන් එක කම්පීතරෙට ගහල සොෆ්ට්වෙයාර් එක රන් කරපු ගමන් මැශින් එකෙ අප්ඩෙට් වෙයි.

 තව ඉතින් ඔය කමිපීතරෙ තියෙන ෆොල්ඩර් එකට ඔයා රැ තිස්සෙ නිදි මරාගෙන හොයල ඇඩ් කරපුව තියෙන ෆයිල් වෙනස් කරපුවත් සොෆ්ට් එක රන් කලාම පෙන් එකෙ ෆොල්ඩර් එකෙ අප්ඩෙට් වෙනව. දැන් ඉතින් ඔෆිස් ගියාම හරි ලෙක්චර් එකට ගියාම හරි දෙලො රත් වෙන්නෙ නැ පෙන් එකට හරියට ඔක්කොම දාගෙන එන්න බැරි වුනා කියල.


ඕං එහෙනං පැන්ඩ ගියා...වැඩ වැඩ වැඩ ගොඩ ගැහිල..ලින්ක්ස් පරිභොගිකයින්ට නම් පොඩ්ඩක් කොක්ක තමා විසදුමක් ඇති හොයල බලමුකො හොඳේ...




Saturday, November 13

ආශ්චර්යමත් දිවයින හා වරිපනම් බදු ක්‍රියාත්ම වීම

පලවෙනි රූපය : බදු ගෙවීම




 දෙවනි රූපය : වරිපනම් බදු ක්‍රියාත්මක වීම හා කොළඹ යට වීම






තෙවෙනි රූපය : ආසියාවෙ අශ්චර්ය ක්‍රියාත්මක කිරීම


"a picture is worth a thousand words"


හෆොයි (ඒ කවුද ඒ හෆොයි කිවෙ අපේ පරණ රෙපා වත් ආවද ),...මේව මේ සීතලට වැස්සට පැන්ඩගෙ ලොම් තෙම්ල කහනවට දාපුව හොන්දෙ.නැතුව ඉතින් මේව ගැන වැඩ්දුර හිතන්න එහෙම එපා.අන්තිමට කොහෙන් නවතීද දන්නෙ නැ මේ විකාර ගැන හිතල..අපිට ජය වෙවා..





නරපණුව, මේ කිනම් දිවයින ද?


නරය මේ කිනම් දිවයින ද?
මේ උතුම් ශ්‍රී ලංකා ද්වීපයයි.

මට තොප විශ්වාස නැත
ශ්‍රී ලංකාව නම් මනරම් දිවයිනකි

උදුල් නම් නරපණුවා 
වෙසෙන්නෙ මෙහි නොවෙද? 

උදුල් ඒ කවුද යකො ඒ?

මීට දින 14 කට පෙර
සිරගත වූ නරයා

මා හට නිච්චියක් නැත දේවයිනි

එසේ නම් මේ ශ්‍රී ලංකාව මැයි



පසු වදන : මීට පෙර මා ලියු ලිපිය "උදුල් හා එස්.බි" http://pandaslif.blogspot.com/2010/11/sb.html. ඉන් පසුව අද වන තුරු කවුරුත් මට මේ ගැන වැඩිය මුකුත් කියනව ඇහුනෙ නැ 

ඇත්තටම එතකොට ලංකාවෙ අපිට හැමදෙම දවස් 14න් මතක නැ කියල ප්‍රභාකරන් කියපු දේ ඇත්ත ද? ඒක හොඳ ද නරක ද?ඕකට විවිධ පැති විවිධ අවස්ථා වලට අනුව තියෙනවා..අපිට මොකක් හරි ජීවිතෙට බලපැමක් වෙන එහෙම නැත්තං දුකට පත් වෙලා හිත හිත විඳ වන්න වෙන සිද්ධි නම් ඔහොම අමතක වෙන එක හොඳයි කියන එක තමාපැන්ඩාගෙ මතය.එත් ඕනි කරන හැමදේම ටික දවසින් අමතක වෙලා යන එක එච්චර හොඳ නැ නේද? 

එතකොට තව දෙයක් මතක් වුනා..පැන්ඩ ගෙ ඉන්නව හොඳ මිත්‍රයෙක්. මිනිහ කරන්නෙම පුන්චි නිවාඩුවක් ලැබුන ගමන් දන්න අදුරන කෙනෙක් ඉන්න ඇත පළාතක ඇවිදින්න යනවා,එහෙම යන කොට ඉතින් විවිධාකාර අය මුණ ගැහෙනව නෙ..කතාව කෙටියෙන් කීවොත් මෙච්චරයි. මේ අතරෙදි හම්බු වෙලා තියෙනව නිවාඩුවට ගෙදර ඇවිත් ටිකක් මත් වෙලා හිටපු හමුදා සෙබෙලෙක්...දන්නවද මොකද්ද කියල තියෙන්නෙ " මල්ලි අපි ඇවිල්ල මේ රටෙ හොඳට ගෞරවයෙන් හිටපු මිනිස්සු..ඒ දවස් වල ප්‍රභාකරන් ලොක්ක ඉන්න කාලෙ තමයි මිනිසුන්ට අපෙ වටිනාකම දැනුනෙ.දැන් අපිව බල්ලෙක් වත් ගණන් ගන්නෙ නැ..එකට ඒ දවස් වල බලන්න එපැයි යුද්දෙ ඉවර වුන ගමන් එක දවසට පිලිගැනීම උත්සව දෙක තුනක් තියෙ."..ඒත් දැන් අපි බලු වෙලා කිව්වලු ඇස් දෙකෙ කදුළු පිහ පිහා.

පොඩ්ඩක් බීල හිටියත් ඒ කියන්න ඇත්තෙ තමන්ට ඇත්තටම දැනෙන දේ නේද? ඒ වීර හමුදා සෙබළු නොහිටින්න අද අපි මෙහෙම බයක් සැකක් නැතුව යන්න එන්න ද? ඇයි අපි මෙච්චර ඉක්මණට ඒව අමතක කරන්නෙ..එහෙම කරන්න එපා..අත් වාරුවක් අරගෙන බස් එකට නගින හමුදා සෙබළට සීටි එක දෙන්න අමතක කරන්න එපා.එයාල අද අබාධිතයො වෙලා ඉන්නෙ අපි වෙනුවෙන් සටන් කරල.එයාලට තියෙන එකම සැනසිල්ල අපි එයාල එක්ක ඉන්නව එයල කරපු විශිෂ්ඨ ජයග්‍රහනයට අපි එයාලට ගෞරව කරනව කියන හැගීම.

ඉතින් ජිවිතෙ ඕනි එකයි එපා එකයි කර ගහ ගෙන අමතක නොකර ව්ඳවන්න කියල නෙවෙ පැන්ඩ කියන්නෙ.. අනවශ්‍ය දේ දෙපාරක් නොහිත අත හරින්න..ඒත අවශ්‍ය දේ හරියට තොරා බේරා ගෙන මතක තියා ගන්න..

පැන්ඩ ගියා ඔන්න..වැඩ ගොඩායි..ටික දවසකට දකින්න නොලැබේවි..කමෙන්ට් වලට රිප්ලයි කරන්නත් අමාරු වෙයි...එත් පුලුවන් කමක් ආපු ගමන් දුව ගෙන එන්නම්.


 

Wednesday, November 10

සාන්තුවරයින් විසින් ස්ත්‍රින් 81 දෙනෙකුට හා එම පවුල් වලට ගල් ගැසීමට නියම කිරිම..


" උඹ දැක්කද මචං ?
මොනාද බං ?
අර සිවේයන්ගෙ පොටො?
මොන සිවේයන්ගෙද බං?
අර පට්ට සිවේයන්ගෙ
පොටො ටික 
මාධ්‍යයෙට දීලලු "

කෙලෙස් ප්‍රහීණ කළ
රහත් බව ලද
තරුණයකු විසින්
මා විමසූ අයුරුය

සාන්තුවරයින් සිටින
පාතලය කැබිනට් යන
වෙනත් කිසිඳු වරදක්
සිදු නොවන රටක
තම සිරුර පෙන්වූ
ස්ත්‍රීන් පමණක්ම 
වරදකරුවන් වූ වගයි

මේ සියළු ස්ත්‍රීන්
අනාචාරයේ හැසිරුනෙ
චිත්‍රපටි තැනුයේ
පිරිමි පුලුටක් නොමැති
අපුරුම රටකය


රෝගාතුරු මවට
 වියපත් පියාට
පාසැල් යන මල්ලිට
සහයක් වන්නට
ඇඳි වත මුදා හල
අහිංසක යුවතියන්ගේ
පවුල් පිටින් වනසා
රට ධාර්මික කරන
පාලකයින් වෙසෙන
ධර්මද්වීපය යි මේ.


පසු වදන : පැන්ඩා නං කවදාවත් ලාංකාවෙ වාණිජමය අරමුණින් නිෂ්පාදනය කරන ලද නිල් චිත්‍ර පටියක් ගැන අසා නොමැත.. මා සොයා ගත් කරුණු වලට අනුව මේ බොහොමයක් නිල් ච්ත්‍ර පටි යනුවෙන් හදුනා ගෙන ඇති වීඩියො එම යුවතියකගෙ අනුදැනුමකින් තොරව රවටා පිරිමිකමට නිගා කරන අධම පෙම්වතුන් ව්සින් රූ ගත කරන ලද වීඩියො පටයි..එසේත් නොමැති නම් ප්‍රසිද්ධියට පත් නොකරන බවට පවසා අහිංසක යුවත්යින්ගේ අවසරය යටතෙ විඩියො කොට පසුව ඔවුන්ට හොර රහසෙ අන්තර්ජාලයට මුදා හල විඩියො වේ.

සිද්ධිය එසේ නම් වී ඇත්තෙ ඔවුන්ට බලවත් අසාධාරණයකි..එසේ නම් සදාචාරාත්මක රජයක් විසින් කළ යුත්තෙ මෙම යුවතියන් රැවටීමට ලක් කල අධමයින් සෙවීම විනා ඔවුන් ගේ ජයාරූප මෙසේ ප්‍රසිද්ධියට පත් කර ඔවුන් කබලෙන් ලිපට ඇද නොදැමීම බව පැන්ඩාගෙ අදහසයි.අහිංසක දෙමාපියන් හා සහොදර සහොදරයින් මහත් ව්‍යවසනයකට පත් වන බවක් තෙරුම් ගැනීමට තරම් වත් මෙම පාලකයින්ට අවබොධයක් නොමැති ද?


ඕං සුදු වැන් එකක් එනො...දුවපියො..මොකද්ද බං ඩොල්ෆින් එකක් ද? ඔන්න මම නං එන්නෙ ඩොල්ෆින් සුදු වැන් වල විතරයි..

 

Friday, November 5

දැනුම


 බුද්ධිය නැමති
ප්‍රගුණ වූ හස්තයෙන්

අවිද්‍යාවට එරෙහිව  
හැසිරවිය යුතු

දෙපැත්තම කැපෙන
මුවහත් අසිපතකි

Wednesday, November 3

උඳුල් හා s.b


වසංගත පතුරොන
විෂ බීජ දුරලන්න
අතුරු ආබාධ 
බොහො ඇති
පිළිකා කාරක 
බෙහෙතකි 


********************************************
හිතට ආපු අදහස් comment තිරුවෙ අකුරු කර යන්න සාදරණීය ඇරයුමක්

Monday, November 1

විජයාවගමනය නිකං ව්දේශීය ව්සිට් එකක් විතරක් ම වේවා...

මාර නොන්ඩිය නෙ
අපි විජයගෙන් නං පැවතෙන්නෙ
ඇයි?

රටින් සස්පෙන්ඩ් කලාලු නේද?
එහෙ කේස් ගොඩයි ලු නේද?
ඉවසන්න බැරි වුනාලු පිය රජුට
පස්සෙ පුතා වුනත් පල කිව්වලු

පස්සෙ cruise කරද්දි
ආවලු ලංකාවට
සෙට් වුනාලු කුවෙණිට
දුන්නලු අහිංසකීටත් ගිණි ගෙඩියක්

ඊටකලින් හිට්ය නේද
මෙහෙ හොඳ හෙළයො
මම නං හිතන්නෙ 
අපි එන්නෙ එයාලගෙන්

නැත්තං විජයගෙ ජාන
සහිත අපි ඉන්න ලංකාව
මීට වඩා හුගාක් නරක
වෙයි නේද මිතුරු?

********************************************
හිතට ආපු අදහස් comment තිරුවෙ අකුරු කර යන්න සාදරණීය ඇරයුමක්
 

Sunday, October 31

නරකම හිතේ තියෙන අසික්කිත කම ද නැත්තං ගෑනු ලමයගෙ ඇදුම ද?



නිමිත්ත : හිප් එකට කලිසමක් ඇදල ඉස්සරහ හිටපු ගැනු ලමයගෙ හිප් එකට චුට්ටක් උඩින් තිබුන ඇදුමක කොටසක් දැකපු ඉළන්දාරියෙක්ගෙ කැළඹුනු හිත


ඇස් ඉදිරීපිට හිටපු
 මනුස්ස දුවගෙ
උඩින් හරි යටින් හරි
පේන ජංගියේ වාටියට

 ඇවිස්සුන සිතුවිලි වල
කැළඹිල්ල වහගන්න
කුණුහරුපෙන් බනින
සගයින් හා තර්ක නගන 
පාලනයක් නැති
අසංවර හිතේ
හෙලුව පේනකොට 
හරි කැතයි 
ඉළන්දාරියො

********************************************
හිතට ආපු අදහස් comment තිරුවෙ අකුරු කර යන්න සාදරණීය ඇරයුමක්

Saturday, October 30

ජීවිතෙ අපි ගෙවන හැටි හරිද?

මේක මගේ නිර්මාණයක් වත් කිසිම දෙයක් නෙවෙ..මේක මට ආපු ඊ මේල් එකක් (වෙන කාගෙන්ද ඉතින් පැන්ඩි ගෙන් තමයි,.. එයා කොහොමත් මට නිතර ඔහොම වැදගත් දෙවල් ජීවිතෙට එකතු කර ගන් උදව් කරනව..ඒක නෙ මම එයාට ගොඩාලියක් ආදලේ...ස්තූතියි හොදේ. ) .මේක හුගක් මගෙ හිතට වැදුන..ඒ හින්ද මගේ බ්ලොග් මිතුරන්ගෙ ජීවිත වලට පොඩි දෙයක් එකතු කර ගන්න ලැබෙයි කියන අදහසින් මම මේක පල කරන්නෙ...
*********************************************

වතුර ස්වල්පයක් පිරවූ වීදුරුවක් තම අත මත තබා ගත් මහාචාර්යය වරයා තම දේශනය ආරම්භ කළේය.
සියල්ලන්ටම පෙනෙන ලෙස එය ඔසවා ගත් ඔහු මෙසේ ඇසීය.





“මේක කොච්චර විතර බර ඇද්ද?”


“ග්‍රෑම් 50ක්”; “ග්‍රෑම් 100 ක්”; “ග්‍රෑම් 125 ක්” ලෙස සිසුන් පිළිතුරු දෙන ලදී.


“මම හරියටම දන්නේ නැහැ. මම බර කිරන්න ඕනා. ඒත් මට හරියටම දැනගන්න ඕනා මේක මම මිනිත්තු කීපයක් මෙහෙම තියාගත්තොත් මොනා වෙයිද කියලයි.”

මහාචාර්යය වරයා නැවතත් විමසීය.

“මුකුත් වෙන එකක් නැහැ” සිසුන් පිළිතුරු දිනි.


“හොඳයි එහෙනම් මම මේක පැයක් විතර තියන් උන්නොත්?”


“ඔබගේ අත කකියන්න පටන් ගනියි” සිසුන් නැවතත් පිළිතුරු දිනි.


“ඔබ හරි. එතකොට මම දවසක් විතර තියන් උන්නොත්?” මහචාර්යයවරයා නැවතත් විමසීය.


“ඔබේ අත හිරි වැටිලා දරුණු ආතතියකට මුහුණ දීලා අංශබාගය හැදෙයි.”

“අනිවා රෝහලෙන් මෙහා නවතින එකක් නැහැ” කටකාර සිසුවෙක් පැවසූ විට සියළු දෙනා සිනාසුනි.

හරිම හොඳයි. එතකොට මේ හැම වෙලාවකම වීදුරුවේ බර වෙනස් වුනාද?

“නැහැ” සිසුන් පිළිතුරු දිනි.

“එහෙනම් අතේ කැක්කුමට හා ආතතියට හේතු වුණේ මොකක්ද?

සිසුන් ගොලුවිය. එක් සිසුවෙක් හඬගා මෙසේ කීය.

“වීදුරුව බිමින් තියන්න”


“හරියටම හරි. ජීවිතයේ ප්‍රශ්න කියන්නෙත් මේවටම තමයි.”


මිනිත්තු කිහිපයක් ඔලුව ඇතුලෙ තිබ්බහම දරාගන්න පුළුවන් වගේ. ඒවා තවකල් ඔලුව ඇතුළේ තියන් උන්නහම ඇදුම් දෙන්න ගන්නවා. තවත් කල් තියන්න ඉන්නකොට ඔබට
අංශබාගෙට එනවා. මුකුත්ම කර ගන්න බැරි වෙනවා.

ඔබගේ ජීවිතයේ අභියෝග (ප්‍රශ්න) ගැන හිතන එක වැදගත්. ඒත් ඊට වඩා වැදගත් දිනය අවසානයේ නින්දට යන විට ඔබ ඒ දේවල් බිමින් තියෙන එක. එවිට ඔබ උදයේ නැගිටින විට ප්‍රබෝධමත්ව සිට දිනයේ පැමිණෙන සියළු අභියෝගවලට මුහුණ දීමට ඔබට ශක්තිය ලැබේවි.


මතක තියාගන්න. “වීදුරුව බිමින් තියන්න”

-පරිවර්තනයකි.


*************************************************
මට මේක කියවගෙන යන කොට මැදදි අවසානය දකින්න කලින් හිතුනෙ මේකෙ මෙහෙම කතාවක් ගැන කියල..මොකද්ද දන්නවද මට හිතුන දේ. සමහර වෙලාවට අපි සමහර පුන්චි දෙවල් අතරිනව ඒව පුන්චි හින්ද ඒවට බලපැමක් කරන්න බැ කියල..ඒත් බලන්න ඒ චූටි දේ වුනත් අත නොහැර අල්ලගෙන හිටියොත් ඒකට කොච්චර ලොකු බලපැමක් කරන්න පුලුවන්ද කියල..සමහර වෙලාවට අපිත් අපිට ලැබෙන දේවල් පුන්චි හින්ද එක පාර ක්ෂනිකව ලොකු බලපැමක් නැති හින්ද අත ඇරල දානව...ඒත් සමහර අය ඒ චූටි දේ ගැන වුනත් විශ්වාසයක් තියල අත නොහැරම ඉදල ලොකු දෙවල් කරනව..


ඒක හින්ද අපිට ලැබෙන දෙවල් ලැබුන ක්ෂනිකයෙන් ලොකු වෙනසක් ඇති නොවුන කියල මීට පස්සෙ දෙයක් අත අරින්න කලින් දෙපාරක් හිතන්න හොඳ ද? හැබැයි ප්‍රශ්න නං එහෙම තියා ගන්න එපා හොදේ...පුලුවන් ඉක්මණට අත අරින්න.මොකො ප්‍රශ්න කියන ඒව චූටි වුනාට කල් යන ලොකු ප්‍රශ්න වෙලා වද දෙන එක වලක්වන්න බැ..

********************************************
හිතට ආපු අදහස් comment තිරුවෙ අකුරු කර යන්න සාදරණීය ඇරයුමක්

Friday, October 29

"(+18) මෙම ලිපිය වැඩිහිටියන් සඳහාම පමණයි" යන පෙර මාතෘකාවට අදාල ලිපිය..



මේ බ්ලොග් පොස්ට් එක පෙර දින ලිපිය හා සබැඳි බව කරුණාවෙන් සලකන්න..(පෙර ලිපියට පිවිසෙන්න)


මේක ඇවිල්ල ගුටි කන කේස් එකක් දැන් පැන්ඩට,... එත් අනේ මං එහෙම කලේ මට ඒක කරල මම හිතුව විදිහ හරියටම හරිද කියල දැන ගන්න ඕනි වුන නිසයි... මට අද ඒක දැනගන්න ලැබුන මම හිතුවට ත් කලින්..ඒකයි ලියන්න සති දෙකක් ඉල්ලපු ලිපිය දිනක් ඇතුලත අද පල කරන්නෙ.


මෙතන් දි බහුතරයක් පෙර ලිපිය කියවල මීට අදාල කතාව පිළිබඳව විවිධ අදහස් පල කරල තිබුන.සමහරු තමන් බලාපොරොත්තු වෙන ව්දිහෙ දෙයක් මා විසින් පල නොකර තිබීම නිසා ඉතාම හොඳින් සුද්ධ කල බාසාවකින් පැන්ඩ අමතල තිබ්බ.මට ඕවයි නිකයි බසාවෙයි අතර කිසිම වෙනසක් නැ.ඒ හින්ද පැන්ඩ ඒව අරකක් තරං වත් ගනන් ගත්තෙ නැ.මොකද්ද? මොකක් හරි හිතාගන්නකො..


දැන් මේකයි සිද්ධිය..මේක ඇවිල්ල දැන් ෆුල් research රිපෝට් එකක් හොදේ.පැන්ඩ ඊයෙ මගේ බ්ලොග් එකෙ stats බැලුව එකෙදි මම දැක්ක මම බලාපොරොත්තු නොවුන ලිපියකට මම බලාපොරොත්තු වුනාට වඩා page views ප්‍රමාණයක් ඇති බව.කොහොමත් ඉතින් පැන්ඩගෙ උණ කැලේට බ්ලොග් ලිවිල්ලට ආධුනික හින්දයි, පැන්ඩගෙ බ්ලොග් එකෙ නීරස බව, නිතර ලිපි පල නොවීම වැනි හේතු නිසා හා මම නොදන්නා හේතු රාශියක් නිසා වැඩිය traffic තියෙන බ්ලොග් එකකුත් නෙවෙ නෙ.


ඔය ලිපිය තමා "යට ඇදුමේ නොදකින පැත්ත " කියන ලිපිය.ඕක 328 දෙනෙක් බලල තිබුන.
මේ තියෙන්නෙ ඒ පින්තුරෙ..උඩ ක්ලික් කලොත් ලොකු කරල බලන්න පුලුවන්.
මම මෙකට හේතුව කල්පනා කරන කොට මට නිකමට පුන්චි සැකයක් ආව මේකට හේතුව මාතෘකාව වෙන්න බැරිද කියල.මොකො දැන් අපේ බ්ලොග් වලට හුගක් traffic එන්නෙ ඒ කියන්නෙ viewers ල එන්නෙ සින්ඩිකේටර හරහ නෙ.ඔය සින්ඩිකේටර වල පලවෙන්නෙ ලිපියෙ මාතෘකාවයි තව පුන්චි කොටසකුයි නෙ. හරියට මේ වගේ..

 දැන් ඉතින් අපි බ්ලොග් එකට බොහො විට පිවිසෙන්නෙ මේ මාතෘකාව ගැන දැන ගන්න ආසවෙන්නෙ.(දැන් මගෙ ඊයෙ මේ කතාවට අදාල ලිපිය පලවුනෙ ඉහත රූපයේ පරිදි නෙ).එතකොට සාමන්‍යයෙන් නිතර අපි ලියන ලිපියක් ගානෙ ලුහුබැඳ ගෙන ගිහින් කියවල එන බ්ලොග් හැරුනම (උදාහරනයක් විදිහට පැන්ඩ එක්ක නිතරම ඉන්න බ්ලොග් එකට එන යන සෙට් එක ඇරුනම) ඉතිරි එවට අපි යන්නෙ ඔය මාතෘකාව මත නේ.

එතකොට ඒ අදාල පුද්ගලයාගේ කියවීමට සෘජුව බලපාන ප්‍රධාන සාධකයක් තමයි මේ මාතෘකාව.දැන් ඊළග කාරණාව තමයි පැන්ඩට හිතුන අනික් ලිපි වල මාතෘකා වලට වඩා මේ "යට ඇදුමේ නොදකින පැත්ත " කියන ලිපියේ මතෘකාවෙ විශේෂත්වය මොකද්ද කියන එක..

ඉතින් පැන්ඩට හිතුන එක මගේ සිතුවිල්ල හරියටම හරිද බලන්න පොඩි ටෙස්ට් එකක් කරන්න..මේ පන්ඩිත වැඩෙ හින්ද අපහසුතාවයට පත් වුන කෙනෙක් නොමග ගිහින් මල පැන්න අයට (අර හොද කුණුහරුප කතාවක් බලල ආතල් ගන්න ඇවිත් නැති වුනාම මල පැනල මට සුද්ධ සිංහලෙන් අමතපු පිරිසට) එහෙම ඉතින් මට කියන්න තියෙන්නෙ සමාවෙන්න කියල තමයි මං කලෙ ටිකක් නරක වැඩක් වුනාට මාතෘකාව සහ එහි ස්වභාවය බ්ලොග් ලිපියක page views ප්‍රමාණයට කෙතරම් බලපායිද යන අතිශය වැදගත් සමීක්ෂණය සඳහා මට ඒක කරන්නම වුනා. 

සමීක්ෂණය කලේ මෙහෙමයි..


මම "(+18)  මෙම ලිපිය වැඩිහිටියන් සඳහාම පමණයි" කියල මාතෘකාවක් දාල ලිපියක් ඊයෙ පල කලා.ඒක පල කලේ ඊයෙ හවස 7 ට විතර.ප්‍රතිඵල පුදුමාකාරයි. පැය භාගයක් ඇතුලත page views 58 යි.

රැ 12 වෙනකොට තත්වෙ තමා ඔය පහල තියෙන්නෙ. page views 350 ක්.


පැය 4ක් 5ක් ඇතුලත මා මෙතෙක් ලියු සියළුම ලිපි අභිබවා මේ මතෘකාවක් පමණක් ඇති ලිපිය page views ලබා ගෙන.ඒ වගෙම ඔයාලට දකුනින් පේනව ඇති ඉහත රුපයේ traffic sources.එතන වැඩිම traffic තියෙන්නෙ සින්ඩි වලින්.සින්ඩ් වල ලිපියක් හදුන්වා දෙන්නෙ මාතෘකාවකින් හින්ද මේ බහුතරයක් මතෘකාව ගැන පමණක් සලකල ඇතිවුන traffic.

දැන් අපි බලමු මේ වෙනකොට තත්වෙ ඒ කියන්නෙ දළ වශයෙන් පැය 24 කට පස්සෙ.



අදාල ලිපියට page views 632 ක් තියෙනව.කොහොමද තත්වෙ පැය 24 කට..එදා මෙදා තුර බ්ලොග් එකෙ උපරිම traffic ඇති කලේ මෙම ලිපිය.ඇඩෙනව නේද..මම හිතුවෙ මෙක හොදට වෙනසක් ඇතුව පෙන්නන්න සති දෙකක් විතර යයි කියල,..එත් පැය 24 ක් ඇතුලත ඒ විශේෂත්වය පෙන්වන්න මට හැකියාවක් ලැබුන.

පැන්ඩ ඔන්න මෙතනින් ඒ සමීක්ෂණය ප්‍රතිඵල පමණක් නිකුත් කරල නවත්තනවා.මං හිතනව කාගෙ වත් පුද්ගලික රසාස්වාදය ගැන නිගමන කරන්න මට සදාචාරත්මක අයිතියක් නැ..මොකො සමහර විට පැන්ඩ පවා ඔය ප්‍රධාන කුලකයේ අවයවයක් වෙන්න පුලුවන් නෙ...ඔයාලට පුලුවන් කැමති නං ප්‍රතිඵල ඇසුරින් ඔයාලගෙ නිගමන වලට එළඹිලා ඒව කැමති නං comment ව්දිහට දක්වල යන්න..

අවසාන වශයෙන් පැන්ඩ ගේ මේ තකතීරු වැඩෙ හින්ද කාට හරි අපහසුතාවයක් වුනා නං මම ඉතාම යටහත් පහත්ව සමාව ඉල්ලනව. ( අර තමන් බලාපොරොත්තු වෙන විදිහෙ කතාවක් පල නොවීම නිසා සුද්ධ සිංහලෙන් පැන්ඩ ව අමතපු අයගෙනුත්. කිසිම ද්වෙශයක් නැ ඔයාල එක්ක..එක එක අය තමන්ගෙ අදහස් දක්වන විදිහ වෙනස් නෙ ඉතින් කෙන්ති එහෙම ගියාම.පැන්ඩ නං ඒ comment ටික publish කරන්න වුනත් කැමතියි.එත් ඒක එච්චරම සදාචාරාත්මක නැනෙ නේද? )



*********************************************

 හිතට ආපු අදහස් comment තිරුවෙ අකුරු කර යන්න සාදරණීය ඇරයුමක්

Thursday, October 28

(+18) මෙම ලිපිය වැඩිහිටියන් සඳහාම පමණයි.කරුණාකර අදාල අය පමණක් කියවන්න.


අයෙත් කියන්නෙ මේක අතිශයින්ම වයස 18 පහු කල අය උදෙසා ලියන බවයි...කරුණාකර ඊට අයත් නොවන පිරිස් වහාම මෙය බැලීමෙන් වලකින්න.

මේ දැනුම් දීම සින්ඩි වල පාලන අධිකාරින් වරු සදහායි.මාතෘකාව ගැන පමණක් සලකා මෙය සින්ඩි වල පලවීම වලක්වන්න එපා..කෙතරම් අසැබි වුව ද නීතී රෙගුලාසි වලට යටත් ව මම මේ කතා මාලාව පල කරමි.වයස දෙකක කිරි කැටියෙකුට වුවද හානියක් නොවෙන ලෙස මෙම කතා මාලව පල කිරීමට පොරොන්දු වෙමි.

දැන් හිතන්න එපා යකො පැන්ඩ මේ මොකාටද එන්නෙ කියල. හිතල වැඩක් වෙයි කියල මං හිතන්නෙ නැ.මොකද මං මේ කියන්න යන කතාව ඔයාලට ගෙස් කරන්න අමාරුයි.කොච්චර අමාරුද කියල කිව්වොත් කාටවත් කියන්නම බැරි වෙයි.

හැබැයි සමා වෙන්න ඕනි අද මම කතාව පල කරන්නෙ නැ..මම බලනව මේ කතාව මොකක් ගැනද කියල කී දෙනෙක් හරියට හිතයි (guess) ද කියල..අනේ ඉතින් කතාව පල නොකර මෙහෙම පොඩි පෙරවදනක් දාපු එක ගැන කෙන්ති නොගෙන පැන්ඩට සමාව දීල ඔයාගෙ guess එක කමෙන්ටුවක් විදිහට දාල යන්න කො. අපි බලමු කවුද හරියට මම හිතන දේ කියන්නෙ කියල.

අද සිට සති දෙකක් ඇතුලත හරියටම මීට අදාල කතාව පල කරන බවට දිවුරා පොරොන්දු වෙමි.එහෙම නොකොලොත් ආයෙත් මේ පැත්තෙ පලාතෙවත් එන්න එපා. එහෙම කල් ඉල්ලන්නෙ එහෙම කාලයක් ඒ වැඩෙට අවශ්‍යම හින්ද බව කරුණාවෙන් සලකන්න.


ඉහත මා පොරොන්දු වු ලිපිය මේ වෙනවිට පල කර ඇත..(එම ලිපියට පිවිසීම)
*********************************************

 හිතට ආපු අදහස් comment තිරුවෙ අකුරු කර යන්න සාදරණීය ඇරයුමක්



Tuesday, October 26

'අ' යනු 'ආ' යනු අමතක වීම


මම මේ කියන්න යන එක තැන තැන කියන්න ඕනි කථාවක් නෙවෙ,... ඒ තරං ලැජ්ජ වෙන්න ඕනි සීන් එකක්..හැබැටම පැන්ඩො ලැජ්ජ හිතුනම මක් කරනව ඇතිද? පැස්බරා වගේ පශ්චාත් භාගය එලියෙ දාගෙන ඔලු ගෙඩ්ය වැල්ලෙ ගහ ගන්න බැනෙ..දැන් ඔය පැස්බරා ල ඉන්නෙම වැල්ලෙ ද? හොද වෙලාවට ලංකාවෙ නැත්තෙ නැත්තං උන් ඔලුව හංග ගන්න ගිහින් ඔලු පලා ගත්තම බෙහෙත් දාලා ඉවරයක් නැති වෙයි.අනික ලංකාවෙ වෙන වැඩ විදිහට උන්ට ඔලුව එලියට ගන්න වෙන එකක්ම නැ.


හරි හරි කථාව නේද..ඒක මෙහෙමයි..පුන්චි කේස් එකක් එත් ලංකාවෙ අපි හුගාක් සැලකිලිමත් වෙන්න ඕනි දෙයක්.


කතාව මේකයි මම පුංචි කවියක් වගෙ එකක් ලියාගෙන ගියා...දැන් ඉතින් ඕව ලියන කොට rhyme වෙන්න ලියන්න ඕනි නෙ අමාරුවෙන් හරි.(පැන්ඩ කවියෙක් නොවෙමි හරිද? ඕක ගැන අපෙ විතරාගි එක්ක වාද කරල අනිතිමට එයත් කිව්ව පැන්ඩ කවියෙක් නොවන බව පිලි ගනිමි කියල) ඔන්න ඉතින් මට ඔහොම ගැලපෙන වචනයක් ඔලුවට ආව. ඒත් මට ටිකකින් සැක හිතුන මේ වචනෙ තෙරුම හරියටම මම හිතපු එක ද කියල.නිකං ලස්සනට යන හින්ද දැම්මට මට සැක හිතුන..දැන් අහන්න එපා එහෙම වෙන්න පුලුවන්ද කියල. පැන්ඩන් ට එහෙම ඒව වෙනව. දැන් මම කොහොමද මේකෙ තෙරුම හරියට දැන ගන්නෙ.


ඉංග්‍රිසි - සිංහල ,ඉංග්‍රිසි- ඉංග්‍රිසි ශබ්ද කොෂ නං එමටයි ඕනි ගෙදර ක. ඒත් සිංහල වචෙනක හරි තේරුම දැන ගන්න පොතක් අපි ලඟ නැ. මධුර, cambbridge, Oxford ඔක්කොම පරිඝනකයේ තිබ්බ ත් ඕක දැන ගන්න එකක් අපි ලඟ නැ..ඔන්න ඔතන ලැජ්ජ වෙන්න ඕනි පලවෙනි කාරණෙ.මොකො අපි ශ්‍රි ලාංකිකයො නේ.ඉතින් එහෙම වෙන්න බැ නේද.පිට රට පර භාෂා කෙසෙ වෙතත් අපි ලඟ අපේ භාෂාවෙ නොදන්න තැන් දැනගන්න පොතක් තියෙන්න ඕනි නේද?මොකො ඉතින් ඕක අපේ භාෂාව වුනාට නොදන්න තැන් තියෙන්න බැරි නැනෙ නේ ද?.

අන්තිමට මට පාවිච්චි කරන්න වුනෙ බොහොම ශොචනීය වැඩ පිලිවලක්.මධුර භාවිතයෙන් අර සිංහල වචනෙ ඉංග්‍රීසි වචනෙ හොයා ගත්ත. ඊළගට (පැන්ඩ වට පිට එහෙම බලල කවුරුත් නැති හින්ද ටක් ගාල) cambridge එකෙ ඔය වචනෙ ගහල හෙමින් සීරුවෙ ඒ වචනෙ තෙරුම හොයාගෙන ඒක දැන ගත්ත (හැබැයි ඉතින් මෙක සිංහල වගෙ පුළුල් භාෂාවක පද අරුත් දැන ගන්න අතිශය අසාර්ථක ක්‍රමයක්.).අපේ දසුන් හිටිය නං දැන් කියයි කුජීතයි කියල..

කොහොමින් කොහොම හරි කරණාව මේකයි බහුතරයක් ලාංකික අපිට අපේ දෙවල් ගැන අගයක් නැ.ඉතින් අපි වෙන ඒව පස්සෙ යනව.අන්තිමට ඒක අපේම දෙයක් නෙවෙ හින්ද අපිට ඒකත් හරියට බැ..අපේ එකත් බැ..(අර චව් චව් වගෙ බැ බැ තමයි..අපි හැමදාම නානවා - මතකනෙ දොස්තර හොඳ හිත). අපිට අපි ලඟ තියෙන එක ගැන අගයක් නැ. ඒකනෙ රටෙ නැති ශබ්ද කෝෂ තිබ්බත් අපි ලග අර වගෙ සිංහල පද අරුත් තියෙන පොතක් නැත්තෙ.පැන්ඩ නං ඊළගට පොත් සල්පිලකට ගොඩ වැදුන ගමන් එකක් ගන්න හිතා ගත්ත.


ඔන්න ඕකයි පැන්ඩට වුන කතාව.දැන් ඉතින් කියන්න එපා මේකෙන් අපිට ඇති වැඩක් නැනෙ මෙක බලන්න නාස්ති වුන කාලෙ කියල.අර අපේ තාත්ත මෙලො සිහියක් නැතුව සියළු කාරණා අමතක කරල නිව්ස් බලද්දි අම්ම අහනව මොකද ඕක ඔච්චරටම වැදගත් කියල..අන්න එතකොට තාත්ත කියන එක මම ඔයාලටත් කියන්නම්. "මිනිස්සු වුනාම රටෙ ලොකෙ අනිත් මිනිස්සුන්ට වෙන දේවල් දැනන් ඉන්න ඕනි"..

මට ලැජ්ජයි මම යනවො.

************************************************
හිතට ආපු අදහස් comment තිරුවෙ අකුරු කර යන්න සාදරණීය ඇරයුමක්.

Thursday, October 21

බිඟුන් වැනි පෙම්වතුන් නරකම ද?



මලින් මලට
ගියද රිසි සේ
නොතලාම ගනි
පමණට පැණි

කෙදිනක වත්
අසා ඇතිද
බිගුන් පහස ලද මලක්
මැලවුනු බවක්
පරවුනු බවක්
නටුවෙන් ගිලිහුනු බවක්

ලද පහසින්
පෝෂණය වී
පරිණතව
රස දිව පිනවන
අමා ඵල
බිහි කල මිසක



පසු වදන : ඔබට ඔබ ලද මල නොගැලපේ නම් හැර යන්න.නමුත් ඈව නොතලාම හැර යන්න.ඇයට රිසි සේ පිපෙන්නට සමාජයේ ගෞරව ලබන්නට ජිවිතෙ අමා ඵල ලබන්නට ඉඩ තබා හැර යන්න.

**************************************
හිතට ආපු අදහස් comment තිරුවෙ අකුරු කර යන්න සාදරණීය ඇරයුමක්.

Wednesday, October 20

(unqualified) පරිඝනකවේදියා හීනයේ සිද්ධිය පහදයි



ඇස් ගෙඩි දෙක
මොලය කියන
CPU එකට connect කල
camera දෙක වගෙ

camera එකෙන්
ගන්න විෂුවල්
වලට තියෙන්නෙ
එකම එක
display unit එකයි.

audio channel
කීපයක් ඇති හින්ද
දවාලට ලෙක්චර් එකෙදි
ලෙක්චර් නොට්ස් විෂුවල් වෙද්දි
මනො පාරක්
වෙනම audio channel
එකකින් අපි ව්ඳිනව

ඒ වුනාට
sleep mode එකේදී
camera වැඩ නැති වුනාට
power එක ඇති හින්ද
virus අනවසරෙයෙන්
display access කරල
ෆුල් විෂුවල් එක්ක
ස්ටීරියො, සරවුන්ඩ් දාල
රටෙ නැති හීන
දිග අරිනවා


**************************************
හිතට ආපු අදහස් comment තිරුවෙ අකුරු කර යන්න සාදරණීය ඇරයුමක්.

Tuesday, October 19

FOSS user mag හා පැන්ඩාගෙ සතුට..



හදිසියට පුංව් බ්ලොග් පොස්ට් එකක් ලියල යන්න ආවෙ. හෙට උදේම AI ලෙක් එක Genta ඇදල යන එක නෙ. Genta ඇඳල හින්ද ද කොහෙද ඒ ලෙක් එකට ගියාම නිකං නොතේරෙද්දි සර් ප්‍රශ්න අහද්දි නොදන්න හින්ද බිම බලාගෙන ඉන්න upset වගේ. ඒ හින්ද මොනා හරි පොතක් කියවල පොඩ්ඩක් සුදානම් ශරීරෙන් යන්න ඕනි.ඒ නිසා බ්ලොග් එක කෙටියෙන් ලිව්වට සමා වෙන්න ඕනි.

සිද්ධිය මේකයි..ලංකාවෙ පලවෙන එකම ලියාපදිංචි foss ගැන ලියවෙන සඟරාව මොකක්ද? හරි දන්න අය අත උස්සමු.. හරි හරි උත්තරෙ තමයි FOSS user.

ඉතිං මේ සඟරාවත් ගොඩක් බාධක මැද්දෙ ආපු සඟරාවක්.මේ ගැන විස්තර ඔක්කොම මේ FOSS user සඟරාවෙ වෙබ් අඩවියෙන් දැන ගන්න පුලුවන් හොදේ...

දැන් පැන්ඩ මෙතන මේන් පොයින්ට් දෙකක් තම උලුප්පන්න හදන්නෙ,...නැ නැ උලුප්පනව කිවෙ පුප්පනව වගෙ දෙයක් නෙවෙ ඉතින්.

කාරණා අංක එක:
මේ සගරාවෙ ඔක්තොම්බර් කලාපයෙ පැන්ඩ ලියපු ලිපියක් පලවුනා. දැන් ඉතින් කියන්න එපා හරි එකත් ඉවරයි කියල ඔන්න..මේක ඇවිල්ල මේ බ්ලොග් ලියනව වගේ වචාල කමින් පැන්ඩ ලියපු එකක් නෙවෙ. මතකනෙ පැන්ඩ වින්ඩොස් දික්කසාදෙට case ෆයිල් කලා(මීට පෙර මේ සම්බන්ධයෙන් පැන්ඩ ලියපු අදහස ).ඒ වගේ සිද්ධි එහෙම දැකපු බුද්ධික කුරේර කියන අපේ සහොදරය ගෙ මග පෙන්වීම යටතෙ තමා මම මේකට යොමු වුනේ.
කොහොම හරි පැන්ඩ ලියපු ආටිකල් එක මේ පාර මැගසින් එකෙ පල වුනා..ඉතිං පැන්ඩට සතුටුයි.මොකො ඉතින් ප්‍රසිද්ධ සගරාවක පාඨක පිරිසක් එක්ක පැන්ඩට දැනුම බෙදා ගන්න ලැබුනට. ආරංචි විදිහට සගරාවට දැනට 30 000 ක විතර පාඨක පිරිසක් ඉන්නව ලු. දන්නව ද රූ කියල සඟරාමය CD එකක් තියෙන්නෙ අන්න එකෙත් මේක පලවෙනව...ඕං ඒ කාරණාව ඉවරයි.

කාරණා අංක දෙක:

දැන් මේ සඟරාව විධිමත් ලෙස සංස්කාරක මණ්ඩලයක් එහෙම එක්ක පිලිවෙලට කර ගෙන යනව. ඉතින් මම මේ බ්ලොග් එක කියවන FOSS ගැන උනන්දු අපිට වඩා කාරණා ආදිය දන්න අයට සාදරණිය ඇරයුමක් කරනව ඔයාලගෙ දැනුමත් අරගෙන මේකට දායක වෙන්න. FOSS ප්‍රචලිත කිරීමට හා ඒව භාවිතා කරන අයගේ දැනුම වර්ධනය දායක වෙන්න කියල මම ආරධනා කරනවා එහම නැත්තං ඉල්ලීමක් කරනව.

දැනට පවතින මෘදුකාංග මාෆියාවෙන් ලාංකාව බේර ගන්න දායක වෙමු නැත්තං උත්සාහ කරමුකො.

කොටින්ම අර පැන්ඩ කලින් කිව්ව වගේ අපා ගත නොවි (මීට පෙර මේ සම්බන්ධයෙන් පැන්ඩ ලියපු අදහස ) අනිත් අයට අපා ගත නොවෙන්න අවස්ථාවක් දීල පිනක් කර ගමු.

පැන්ඩ එහෙනං දැනට ඇති නේද ලිව්ව.. හෙට Genta ට ලැජ්ජ නොවෙන්න පොතක් බලා ගමු.


ප.ලි

Genta යනු විස්ස විද්දාලෙදි පැන්ඩන්ට වුනත් කලිසමට shirt එක යට කර දෙපයට සපත්තු පළදා Gentleman කෙනෙක් වීමට සිදු වීමයි.

*************************************************
හිතට ආපු අදහස් comment තිරුවෙ අකුරු කර යන්න සාදරණීය ඇරයුමක්.

Saturday, October 16

ජීවිතේ අපූර්වත්වය



***********************************************
ඔයා මට කොච්චර ආදරේද?
මම ඔයාට ගොඩාක් ආදරේ

එහෙම බැ කොච්චරක්ද?
එහෙම කියන්නෙ කොහොමද කොච්චරක් ද කියල.(කෙල්ලගෙ මූණ මැල වී ගෙන එනව)
කොල්ලටත් දුකයි..

"idea ආගයා"
කොල්ල තමන් අහල තියෙන සියළුම දේවල් අහස,පොලව මේ හැමදේටම වඩා තමන් ආදරෙයි කියල කියනවා.හරියට අම්ම පොඩි කාලෙ මට කොච්චර ආදරෙද කිව්ව වගේ...

කෙල්ලගෙ ඇස් ටික ටික දීප්තියෙන් බබලනව
පුන්චි හිනා රැල්ලක් එනව
පුංචි ආදරණීය හාද්දකින් කොල්ලට ස්තූති කරනව

**********************************************

ආදරේ කියන්නෙ එහෙම මනින්න පුලුවන් දෙයක් ද... නැ..ඒත් අපි හැමොම ආදරෙ කරද්දි ආස ඒ වගෙ උත්තර වලට..

ඕයි පැන්ඩො.මොකටද මේ එන්න හදන්නෙ.දැන් උඹත් හදන්නෙ අර අහිංසක කෙල්ල බොළදයි කියල චාටර් කරන්න ද කියල අහන්න එපා. අනේ නැ පැන්ඩ ඒ කෙල්ල එහෙම දකින්නෙ නැ

එහෙනං, මේ පැන්ඩ අත් දැකපු සිද්ධියක්.මෙව මතක් වෙන කොට අපිටම අපි ගැන ඉබේම හිනා යනව..ඒත් ඒ එක්කම දැනෙනව ඒක තමයි ආදරේ අපූරුව..මොකො තමන්ගෙ කෙල්ල එක්ක ඇරෙන්න වයස 23 ක් 24ක් වෙච්චි කොල්ලෙක් තමන් වටෙ ඉන්න අය එක්ක මෙහෙම හුරතල් වෙන්න ගියොත් බ්ලොග් ලියන්න වෙන්නෙ මට අංගොඩ ඉඳන් තමයි.

මම නං දකින්නෙ අම්මගෙ තුරුලෙ ඉදන් පොඩි කාලෙ හඳ මාමගෙන් කිරි පැනි ඉල්ලපු අපි ලොකු වෙන කොට වටෙ ඉන්න අය හිනා වෙන නිසා ඒ ලමය අපි අස්සෙම හංග ගන්නව...එත් එයා එයාට සුරක්ෂිත කියල දැනුන පරිසරේදි එලියට බැහැල හිතෙ හැටියට ඉන්නව. ආදරෙ කරන කාලෙදි ඒ හංග ගෙන හිටපු ලමයට ආයෙත් එලි බහින්න තවත් අපූරු ලමයෙක් තමන්ගෙ සහකාරිය තුලත් හැංගිල ඉඳල හම්බ වෙනව.

කොල්ලෙක්ට කවදාවත් තමන් ගෙ කොල්ලො සෙට් එක එක්ක අයිස් ක්‍රීම් එකට රංඩු වෙන්න බැ..(මං කියන්නෙ අර සුද්ධ සිංහලෙන් අපි සෙට් එක ටොපි කැල්ලට කැ ගහ ගන්න විදිහට නෙවෙ)එත් ඒ හැම පිස්සුවක් ම තමන්ගෙ සහකාරිය එක්ක කරන්න පුලුවන්.කොච්චර සද්ද දාගෙන ඉන්න කොල්ලෙක් වුනත් තමන් ඇත්තටම ආදරෙ කරන කෙල්ල එක්ක මලක් කඩන වෙලාවට කියන කතා වලින් අනෙ මේ මූ මද කියල හිතෙනව.. ඒ කෙල්ල රවට්ටන්න හුරතල් වෙන්න කියන කතා නෙවෙ.ඒව ඇත්තටම ඒ කොල්ලගෙ හිතෙන් පහල වෙන ඒව.සමහර විට ඌම හෙට කොල්ලො සෙට් එක එක්ක ඉන්න කොට තමන්ගෙ තවත් සගයෙක් එහෙම කෙල්ල එක්ක කතා කර කර ඉන්න කොට පල් එක දායි.

කොහොම වුනත් ඉතින් ඕක තමයි මේ ජිවිතෙ අපුරුව ආදරෙ අපූරුව.අපේ හිත් අස්සෙ හැංගිලා ඉන්න අර පුංචි ලමය එලියට පනින හැටි..ඒත් ආදරනීය තරුණ කාලෙ ගෙවුනත් මෙ පුංචි ලමය අපිව අත හැරල යන්නෙ නැ..ආයෙත් අපි දෙමාපියො වෙලා ඉන්න කාලෙක අපි අපෙ දරුවො එක්ක ඉන්න කොට ආයෙත් අපි අස්සෙ හැංගිලා හිටපු පුංචි ලමය හිතෙ හැටියට එලියට බැහල ඉන්නව.ආයෙත් ඒ දරුවො ලොකු මහත් වෙන කොට අපි ජිවිතෙ එක්ක ඔට්ටු වෙන කොට ඒ පුන්ව් එකා ආයෙත් අපි අස්සෙම හැංගෙනව.

කොහොම හරි කාලයක් ගෙවිල අපි සීයල ආච්චිල වුනාම අපෙ මුණුබුරා ල එක්ක මේ පුන්චි එකා ආයෙත් අපෙ හිතෙ ඉඳගෙන එලියට පනිනව.නිකමට බලන්නකො ටිකක් වෙලා පොඩි ලමයෙක් සීයා හරි ආච්චි හරි ලඟ තියල ටිකක් ඇතට ගිහින් ටික වෙලාවකින් ලමය කවුද වයසක කෙනා කවුද කියල හොයා ගන්න බැරි වෙනව.

ඕක තමයි අපි මේ ගෙවන ජීවිතෙ අපූරුව.

*************************************************

හිතට ආපු අදහස් comment තිරුවෙ අකුරු කර යන්න සාදරණීය ඇරයුමක්.

.

Friday, October 8

මගේ පැන්ඩි....


ඉඟ සුග මිටින්
ගන්න බැරි වුනාට
ඔයා මට හැඩයි
මං වගේ පැන්ඩෙක්ට
ඔයා ලස්සන වැඩි

හඳ පානෙ
මාත් එක්ක
සිංදු නොකීවට
මට හැමදේම
එපා වුන වෙලාවට
ඔයාගේ එක වචනයක්
ඇති මාව ජීවත් කරන්න

week ends වල
Beetle car එකක
මාව pick කරන්
රවුම් නොගැහුවට
මා දකින්න
පැය ගණන්
බස් වල
කටු කාපු ඔයා
පණටත් වඩා
මට වටිනව

රටේ ඇති
රස බොජුන්
දහස් ගණන්
දීල මට
ඇරන් නොදුන්නට
ඔයාගෙ අතින්
උයල ගෙනව්ත්
මට කවපු බත් කට
දිව්‍ය භොජන වගෙ

පැන්ඩ ලෙඩ වුනාම
ඔය ඇස් වල
කදුළු පිරුන
හැටි දැක්කම
මට මගෙ ලෙඩ
අමතක වුනා

කැම්පස් බොඩිමෙ
කැම නැති වුනාම
ඔය ඇස් වලට
කදුළු උනපු
හැටි දැක්කම
බඩෙ ගින්දර
නිවා ගෙන
ආදරේ ඉතිරුනා

මගේ මොඩ වැඩ
ඔය හිත රිද්දන කොට
ඒ හැමදේම
හිනාවකින් දරා ගෙන
මට ආදරෙ කලා

තරහා, වෛරය
දුක, පසු තැවිල්ල
ආදරේට සමාන වචන
වී ගෙන එන යුගයක

ඒ මුකුත් නැති
ඔයාගෙ
අහිංසක ආදරෙ
මට දැනෙනව
මාව ජීවත් කරනව




*************************************************

හිතට ආපු අදහස් comment තිරුවෙ අකුරු කර යන්න සාදරණීය ඇරයුමක්.


Related Posts with Thumbnails