ඇයි මේවට වල් චිත්‍ර නොකියා ව්ජ්ජු ලතා හා මේඝ ලතා කියන්නෙ

ඔන්න පැන්ඩ අත ගහන්නෙ ගුටි කන ටොපික් එකකට.මේක ඇවිල්ල ලංකාවෙ අතිශය වටිනාකමක් හෙබි ලොක පුදුම හතෙන් එකකට ගිය ලංකාවෙ උරුමයක් පීචං කිරීමවත් ඒ කලාකරුවන්ගෙ හැකියාවන් හා වසර සිය දහස් ගණනක් පවතින ලෙස ඇන්ද ඒ තාක්ෂණ හැල්ලු කරනව වත් නෙවෙ ආයිබොං 

මීට කලිනුත් විජය රජ්ජුරුවො ගැන කිව්ව මතකද මන්ද ..විජයාවගමනය නිකං ව්දේශීය ව්සිට් එකක් විතරක් ම වේවා... කියල.

දැන් පැන්ඩ මේ මතෘකාවට එන්නෙ මෙන්නෙ මේ සිද්ධිය හින්ද.පැන්ඩ ගියා සිගිරි වන්දනාවෙ නැ නැ වන්දනාවක් නෙවෙ දැක බලා ගන්ට කාස්සප ගෙ ප්ලේස් එක..ඒත් ඇත්තම කිව්වොත් අපේ සමහර ඇයො මේ අනුරපුරෙ වන්දනාවෙ ගිහින් සිගිරි ගලටත් වැඳල එනවලු..ඒව කාරි නැ.. 

කතාව මෙච්චරයි නැග්ග ගලේ..ගියා සිගිරි චිත්‍ර ගාවට .හැබැයි හොරෙන් වගේ බැලුවෙ ලඟ ගැනු ලමයි ටිකක් උන්න හින්ද ලැජ්ජායිත් එක්ක..ඇයි හත්වලාමෙ නිකං ලාවට සළු පොටක් දාල ඇන්ද නම් ඉවරයි නෙ ඔච්චර ඇඳපු එකෙ.මට ඉතින් ඕලෙවල් ච්ත්‍ර කරල පැන්ඩල වගේ උන්ට ත් A ගන්න හදාපු ලියන ප්‍රශ්න පත්තරෙට ගහපු ගිරව මතක් වුනා.ක්‍රි.පු 4- 5 සියවසේ ඇඳි සිගීරි ච්ත්‍ර වලින් විජ්ජු ලතා හා මේඝ ලතා නිරූපණය වන බව මහාචාර්ය සෙනරත් පරණවිතාන මහතා පවසා ඇත..

මොන විජ්ජු ලතෙක් වත් මේඝ ලතෙක් වත් නෙවෙ මට නම් පෙන්නෙ බොහොම අපුරුවට නාරි ලාලිත්‍ය පෙන්නල ඇඳපු ච්ත්‍ර ටිකක්..ඉඟ සුඟ මිටින් නෙවෙ සුලැගිල්ලයි මහපට ඇගිල්ලයි එකතු කළා නම් ගන්න තිබ්බ.ඒ අස්සෙ හිටපු එකෙක් කිව්ව මගෙ බ්ලොග් පොස්ට් එකෙ ඌන පූරණය.. "කාස්සප නිකං මම වගෙ පොරක් වෙන්න ඇති නේද " දැනට කියමුකො ඌට x කියල..මට කෙළින්ම මතක් වුනෙ උගෙ රූම් එක..කාමරෙ පුරා ඉන්නෙ beyonce නංගි,lady gaga , tomb raider පොස්ටරෙ අර පට්ට බයික් එකෙ නැගල ඉන්න angelina අක්ක වගේ ඇයො බොහොම අමාරුවෙන් චුටි චුටි රෙදි කැලි පටලවගෙන දැන් ගැලවිල වැටෙයි කියල හිතෙන ඒව..ගෙදර මිනිස්සු කොයි වෙලෙත් මුට දෙසනව වල් කම තිබ්බට ලොකෙට පෙන්නන්න එපා බං කියල.ඉතින් ඒව ඌ කාමරෙ ගහපු අරමුණ ම නෙවෙ වෙන්න බැරිද කාස්සප මේව තමන්ගෙ වාසස්ථානෙ අඳින්න හේතුව.

මොකො ඉතින් කාස්සප කියන්නෙ පරක්‍රමබාහු රජ්ජුරුවො වගේ වත් දුටුගැමුණු රජ්ජුරුවො වගේ වත් මහා ශ්‍රෙෂ්ඨයෙක් නෙවෙ නෙ.හද්ද චාටර් වෙලා ඉඳල තමන්ගෙ සුභ සිද්ධියට ආරස්සවට අහින්සක මිනිස්සු මරවල වැඩ කරවල ඒ අවධියේ උන්නු අයගෙ දස්කම් වලින් තමන්ට ආතල් එකෙ ඉන්න හදපු මාළිගාව නිසා ප්‍රසිද්ධ වුන කෙනෙක් නෙ..තමන්ගෙ තාත්ත ඝාතනය කරපු, සහොදරය එක්ක ගේම ඉල්ලපු කාස්සප, මහා උසස් චින්තනයක් තියෙන කලාකාමී අපුරු හෘදයාංගම ඩයල් එකක් වෙන්න පුලුවන් ද ? 

මේක ඇවිල්ල කාස්සප විසින් තමන්ගෙ මන දොළ පිනවීම පිණිසම ශෘංගාරය වඩවන අදහසින් ඇඳපු චිත්තරයක්ම තමයි.සමහර විට තමන්ගෙ අන්තඃපුරෙ මෙච්චරම අපුරු සුන්දර යුවතියො නොහිටපු හින්ද මට මෙන්නෙ මේ වගෙ කෙල්ලො ටිකක් ඇඳල දීපං බං බල බල ඉන්නවත් කියල කිව්ව වෙන්නත් බැරි නැ...

සමහර ගංජාකාරයො හොඳ නිර්මාණකරුවන්ට කියල උසස් සින්දු නිර්මාණ ලියවගෙන ගොඩ යනව වගේ කාස්සප ගෙ චිත්‍ර ශිල්පයා බොහොම අපුරු අයෙක් වෙන්න ඕනි.මේ වගෙ සංයමයකින් මහ භයානක ගලක එල්ලිල උසස් නිර්මාණයක් කරන්න අනිවාර්යෙන්ම ඔහු බොහොම උසස් මනසක් හිමි අපුරු පුද්ගලයෙක් වෙන්න ඇති.සමහර විට මේ නිර්මාණකරුටත් සෙනරත් මහත්තයට වගේ හිතෙන්නෙ ඇති..ඒත් ඒ මනුස්සය ගැන කතා වෙනව බොහොම අඩුයි.

අපේ මිනිස්සුන්ගෙ බොහොම අපුරු ලක්ෂණයක් තියෙනව..මිනිහෙක් මලාට පස්සෙ ඌ ගමටම කසිප්පු බෙදපු එකා වුනක් උපාසක මහත්තය කියල නිවන් සුව පතනව..ශේප් එකෙ කරපු වැරදි රහසින් කතා කළත් මතක් කලත් ප්‍රසිද්ධියෙ උන්නු කාලෙ කරපු වැරදි කියවන්නෙ නැ මළාට පස්සෙ.

මම හිතන්නෙ කාස්සපටත් උනේ ඔය සන්තැසියම තමයි..පරණවිතාන මහත්තය තමන්ගෙ බොහොම නිවුණු මහාචාර්ය මොළෙට චිත්‍ර ගැන සංවෙදි වුන විදිහට අපේ ලංකාවෙ ශ්‍රෙෂ්ඨ සංස්කෘතිකයට අපුරු නිර්මාණවලට ගැලපෙන විදිහට දුන්න නිගමනයක් චිත්‍ර ගැන කාස්සපත් විශිෂ්ඨ රජෙක් වෙන්න.

ඒත් පැන්ඩ නම් සතේකට විස්වාස කරන්නෙ නැ කාස්සප ඕව ඇන්දෙව්වෙ විජ්ජුලතා මේස ලතා වගේ උපමා වශයෙන් අරගෙන ලංකාව වගෙ කෘශිකාර්මික රටකට අවැසිම වරුශාව වගේ දේවල්  නිරුපණය කිරිමෙ අදහසින් වත්  එහෙම නැත්තං පිදුරංගල විහාරයට යන උපාසිකාවන් ටිකකගෙ චිත්‍ර උදේ හවා දැකල හිත පහද ගන්න අදහසින්වත් කියල..

හැබැයි ආයෙත් කියනව මේක ඇඳපු චිත්‍ර ශිල්පියා බොහොම අපුරු නිර්මාණකරුවෙක් හා උසස් චින්තනයක් හෙබි අයෙක් වෙන්න පුලුවන්..


කියවද්දි හිතට ආපු අදහස් comment තිරුවෙ අකුරු කර යන්න සාදරණීය ඇරයුමක්